Chapter 49 – An Abrupt Confession

Agad inayos ng dalawa ang kani-kanilang damit at pinakiramdaman ang paglapit ng matanda sa pinto ng banyo. Halos tumalon ang kanilang mga puso nang marinig ang pagtunog ng doorknob na tila ba may pumipihit dito kasunod ng boses ng mayordoma:

"Bakit hindi mabuksan, may tao kaya?" Napaigtad si Agnes nang tumawag ito: "Agnes, Agnes! Nariyan ka ba sa loob?!"

Tinakpan ni Aeros ang bibig ng dalaga at sumenyas dito na huwag itong maingay. Maya-maya ay maririnig ang yabag ng papalayong mayordoma at doon lang tila nakahinga nang maluwag ang dalawa sa loob ng banyo.

Maya-maya lang ay nagbalik si Ms. Mildred dala ang susi ng banyo. Nang buksan ang pinto ay tumambad sa kanya ang pawisang si Agnes na nakaupo sa inidoro. "Agnes? Agnes...." Tinapik-tapik niya ang dalagang tila nakatulog habang nakaupo sa trono. "Ikaw pala ang narito sa loob, bakit hindi ka sumasagot kanina?"

Nillamukos ni Agnes ang mga mata na animo'y nanggaling nga ito sa pagkakatulog. "Pasensya na po, nakatulog pala ako."

"A