Chapter 8

Chapter 8: Group

Alex's POV

Paggising ko ay siyang pagtunog ng cellphone ko. It was ate Shara.

"Hello, Ate Shara?" 

"Oh, Alex! Asan ka na? Napansin kong kanina pa andito ang ilan sa mga member ng club niyo. Baka mainip sila dito, iwanan ka," pagbibiro niya.

"Ay, ganon po ba ate. Sige po, salamat sa pagpapa-alala."

"Yes, anytime," mabait niyang saad.

Nauna naman akong nagpaalam para makapaghanda na kaya ibinaba na rin niya ang tawag.

Ipinaalala niya rin ang napag-usapan namin noong meeting Presidents ng nakaraan. Ang tungkol sa Foundation Day, hindi ko naman iyon nilimutan dahil iyon ang sentro ng pagu-usapan ng club ngayon.

Nabalitaan ko sa F******k Page ng aming school na bantay sarado na ang school. May mga taong sundalo o kaya pulis ang nagbabantay sa bawat sulok ng eskwelahan. Para na rin sa dobleng pagi-ingat ng administrasyon ng eskwelahan.

"ID?" Tanong sa akin ni Kuya Guard nang papasok ako sa school.

Mabuti na lamang at hindi ko ito inaalis sa bag ko. Kung hindi ko ito dala ay baka nagdrive ulit ako pabalik ng bahay.

"Saan ka pupunta?" Tanong ng isang lalaking nakasuot ng uniporme ng pulis.

"Sa room po ng Filipino Club," sagot ko.

Tumango naman ito kaya sinimulan ko na ang maglakad. Ngunit nagulat ako nang pati siya ay sumama sa akin na sinamahan pa ng isang pulis.

Pagkarating ko sa room na nakalaan para pagmeetingan ng Filipino Club, may nakita rin akong pulis na nagbabantay doon.

"Magandang umaga po," bati ko sa kanya bago ako pumasok.

Ngumiti naman ang lalaki ngunit hindi sumagot.

"ALEX!" Sigaw agad ni Jen, ang Secretary ng Club nang makapasok ako.

"Let's start!" Agad na pumwesto ang mga kagrupo ko sa nakalaang upuan para sa kanila at sinimulang ibukas ang mga dalang laptop habang si Jen ay nakatayo sa harapan ng board para maisulat ang lahat ng ideyang mabubuo.

"Guys, magdasal na muna tayo," paninimula ko.

Pinangunahan naman iyon ni Marga. Pagkatapos ay pinaupo ko na sila.

"Ayon sa meeting ng lahat ng Presidents kasama ang mga guro, ipinabatid nila na pagkatapos ng one week suspension ng klase ay magsisimula na ang Foundation Day," tumango naman ang mga kasamahan ko.

"Alam niyo naman nang Foundation Day ang magiging sentro ng ating meeting ngayon. Mayroon na ba kayong mga ideya sa gagawin nating booth sa Foundation Day?" Tanong ko sa kanila. Narinig ko ang ilan sa pagtitipa sa kaharap na laptop.

Kahit na meron akong napiling booth, kailangan ko paring makuha ang mga ideya nila.

"Wedding booth?" 

"Sa English Club yun," I said as I heard that they are creating that booth again even though it's their last year's booth.

Hindi kami nakagawa ng booth last year dahil ang karamihan sa mga kasama ko ay nagbakasyon. So, for this year, I am aiming to do a unique booth.

"Ikaw ba, Pres. Ano sa tingin mo ang booth?" Tanong sa akin ni Marga, ang treasurer ng Club.

"Kailangan ko munang malaman ang mga suhestiyon niyo bago ako mag-desisyon," sagot ko kay Marga.

"Who agrees with the Horror Booth?" Tanong ni Jen.

"Ay bet! Pakiramdam ko, magugustuhan 'yan ng mga estudyante! Bukod sa hindi pa ito nagiging booth sa ilang taon natin rito, pakiramdam ko mabenta ito pagdating sa mga couple!" Tuwang tuwa na sabi ni Fern, ang Vice President sa club.

Agad naman na natawa si Nadia, ang masayahing auditor ng Club. "Tamang tsansing sa mga crush or kasintahan!" Sabi niya habang natatawa.

"Guys! Positive ba 'yung booth?" Tanong ni Relson, ang Business Manager naman ng Club.

"Oo tapos karamihan din sa mga kabataan dito sa school ay gusto iyong nakaka-excite! Nice idea, Jen," tugon din ni Shei, ang business manager ng grupo.

Horror Booth... hmm.

"Okay. Agree ang lahat sa Horror Booth?" Tumango naman ang lahat.

"Good, Jen!" Puri ko sa kanya. Ngumiti naman siya sa akin at isinulat na sa board ang napiling Booth.

Agad na nagpaalam na lalabas sina Shei at Relson upang makabili ng meryenda ng bawat isa. Madalas na aso't pusa ang dalawang iyon pero masaya akong nagkakasundo na sila.

"Ngayon, concept naman ang kailangan nating buuin. Tapos budgets at mga gagamitin sa booth," tugon ko sa kanila.

Agad naman silang nag-isip ng mga ideyang pwedeng ibahagi para maging maganda ang kalalabasan ng booth na ito. Makikita mo talaga na gusto nilang itaas ang club na ito, maging ako rin naman. Dahil sawa na ako na palagi na lang kami na nasa ibaba.

Ibinahagi nila ang mga ideya nila at lahat ay maganda ang ideya kaso nagkakatalo talo sila. Dumating na rin ang dalawang lumabas at nilagay sa gilid ng bawat isa ang meryenda saka tumulong na din sa pag-iisip ng ideya.

"Ako na lang sa mga props, Pres," sabi ni Jen na nakataas ang kamay, agad ko naman iyong inaprubahan. 

"Akin iyong mga susuotin para hindi na tayo mapagastos ng malaki," agad ding sabi ni Fern. Kung sabagay meron naman silang shop. Mga gowns and masks, buti na lang pala nasa club to.

Mabuti naman at nagprisinta ang bawat isa sa mga dadalhin nila. Natapos din kami ng magla-lunch break na.

"So, ayos na tayo sa mga dadalhin natin? Maraming salamat sa pagpunta! Mag-ingat kayo pauwi!" Pagpapaalam ko sa bawat isa, bago ko lisan ang kwartong iyon nakangiti silang lahat at nagaapir pa ang iba. Tuwang tuwa sa mga napag-usapan.

Mayroon pa nga pala ang meeting muli ng bawat Presidente ng club ng alas dos. 

11:43 pa lang naman kaya pwede pa akong umuwi.

Nang tingnan ko ang telepono ko ay puno ng texts ni Isla. Nai-mute ko pala kanina ang telepono ko nang magsimula ang meeting namin.

Isla:

   Alex, are you going? 

Isla:

   We are gonna wait for you!

So she's really gonna push it. Mariin akong napapikit. 

Kailangan ko silang makausap ng masinsinan tungkol dito. Hindi basta basta ang pagbuo ng grupo. Masyado silang nadadala ng emosyon nila.