Chapter 63

Pagdating niya sa opisina, naroroon pa si Dahlia at may inaayos sa computer. Tiningnan lang siya ng asawa saka itinuloy ang ginagawa. Hindi niya alam ang mararamdaman kung mahihiya ba siya o matatakot. Nahihiya siya, dahil iniwanan niya si Dahlia sa kalgitnaan ng meeting. Ito ang sumalo ng lahat na tanong ng mga investors. Hindi man lang niya nasagot ang mga tawag nito. Natatakot naman siya na baka malaman ng lolo niya ang nangyari. Winarningan na siya noon ng matanda na kung hindi niya kakalimutan si Audrey ay sila na lamang ang kalimutan nito.

Dahan dahan siyang lumapit sa babae. Nag aalangan pa siyang tanungin ito.

"Kumain ka na ba?" lumapit siya dito at sinilip ang ginagawa nito.

"Oo," maiksing sagot ng babae.

"Kumusta ang end ng-- ng meeting kanina?"

"Okay lang."

Pumirma ba sila ng kontrata?"

Inihagis nito sa harapan niya ang papeles. Lahat may pirma.

"Salamat, "ngumiti siya sa babae. Walang response galing dito. "Galit ka ba?"

Hindi na siya tinugon ng kausap. Itinuloy l