Chapter 64

Umuwi siya ng condo niya. Baka tulog na ang asawa niya. Pagpihit ng seradura, madilim ang paligid. Walang tao?

"Dahlia? Dahlia?" tawag niya sa asawa. BInuksan niya ang ilaw. Walang bakas na nanggaling ang asawa niya doon. "Nasaan na kaya siya? Dahlia? Dahlia?" Pumasok siya sa kwarto ng babae, wala man lang pinaghubadan doon si Dahlia. Malinis ang kwarto nito, at halatang hindi nanggaling ang babae doon. Umusbong ang pag aalala niya sa dibdib.

Kung tatawagan naman niya ang biyenan, malalaman nito ang nangyari at baka magkwento pa ito sa lolo niya. Kung tatawagan naman niya ang mga magulang, mapapagalitan lang siya ng mga ito, lalo na kapag nalaman ng mga ito na si Audrey ang dahilan kaya niya iniwan ang meeting nila kanina.

Sinubukan niya itong tawagan. Noong una ay nagriring ang phone nito, subalit sa pangatlong pagkakataon, pinagpatayan na siya nito. Parang nakulitan na ito sa pagtawag niya. Inisip niya kung sino ang maaaring kasama ng babae sa ganitong pagkakataon. Bigla niyang naal