CHAPTER 117 - The Confirmation

"Good evening sir, nariyan pa pala kayo. Ang sipag n'yo nama–" natigilan ang nagrorondang guwardiya nang lagpasan lang siya ng kanyang binati.

Napakamot ito nang ulo habang minamasdan ang nagdudumaling lalaki palabas ng building. Halos magkanda-dulas pa ito sa kama-madali. 'Anong nangyari doon kay Mr. Javier at nagmamadali iyon?'

Napatingala ito, sa top floor. 'Hindi kaya...... nakakita 'yon ng multo sa itaas kaya nagmamadaling umuwi?' Biglang kinilabutan ang guwardiya. Iwinaksi nito ang takot at pangingilabot na nararamdaman. Hindi s'ya puwedeng matakot, mahaba pa ang oras ng trabaho n'ya at siya lang mag-isa sa buong gabi.

"Itong Bayad ko...."

Napakamot na lang ng ulo si Mr. Javier pagbaba niya ng taxi sa tapat ng isang restaurant dahil, mahigit isang kanto lang pala ang layo nito sa kumpanya.

Ang restaurant ang ibinigay na meeting place ng tumawag sa kanya. 'Tiba-tiba ang taxi na 'yon a! Hindi man lang sinabi sa 'kin na ang lapit lang pala ng pupuntahan ko.'

Hindi alam n