Kabanata 83

“Walang tigil ang pagpatak ng luha ko habang nakadapa sa aking kama, simula ng dumating ako sa bahay ay wala na akong ginawa kundi ang umiyak. Hanggang ngayon kasi ay hindi pa rin ako makapaniwala sa mga nangyari sa akin. Hindi ko rin alam kung paano ko sasabihin sa aking ina na nakuha ng ibang lalaki ang kainosentihan ko. Siguradong magagalit sa akin ang aming tribo dahil nakipagkasundo na ang aking ina sa aming pinuno. Tuliro ang utak ko ngayon at hindi ko alam kung ano ang dapat kong gawin ng mga oras na ito.

Makalipas ang ilang minuto, bumangon ako at pumasok sa loob ng banyo. Mas lalo akong nakadama ng lungkot nang makita ko ang maraming pasâ sa aking katawan na nilikha ni Mr. Winter.

Wala itong patawad, dahil kahit ang singit ko ay nilagyan nito ng marka. Ang pinakamalalâ, ang aking dibdib na mukhang pinanggigilan talaga nito. Naluluha na pinagmasdan ko ang pribadong bahagi ng aking katawan dahil mukha itong namamaga. Halatang nagpakasasa ito buong magdamag sa aking katawan