Kabanata 58

“Surprise!” “Happy birthday!” Halos sabay na sigaw ng mag-inang Lexie at Summer, pati na rin si Misaki na may suot pang birthday cap sa ulo. Sabay na lumingon sa pintuan sina Xavien at Andrade, ngunit ang kanilang mga mukha ay parang pinagsakluban ng langit at lupa.

Sa isang iglap ay biglang napalis ang mga ngiti sa mga labi ng tatlong babae at kapwa nagkatinginan pa ang mga ito, naguguluhan sa kanilang nadatnan. Habang si Timothy, Xion at ang ama nilang si Mr. Cedric ay walang pakialam na pumasok sa loob ng bahay.

“Mommy, sigurado ka ba ng date kung kailan ang birthday ni Andrade? Parang lamay yata ang napuntahan natin.” Nagtataka na tanong ni Summer sa kanyang ina, dahil sa malungkot na hilatsa ng mga mukha ni Xavien at Andrade.

“Iha, hindi pa ako ganun katanda para makalimutan ang birthday ninyong lahat.” Naghihimutok na sagot ni Mrs. Lexie dahil nitong mga nakaraang buwan ay malaking isyu na sa kanilang mag-asawa ang kanilang mga edad.

Sabay na napalingon ang mag-ina sa kan