Kabanata 56

Lihim na napalunok si Xavien ng mula sa ikalawang palapag ng bahay ay lumipat sa mukha nilang magkapatid ang matalim na tingin ni Miles. Kinabahan siyang bigla, nang muli na naman niyang nakita ang matapang na ekspresyon mula sa magandang mukha ng kanyang asawa.

Ilang segundo na nakatitig si Miles sa mukha ni Andrade, walang sinuman ang nakakaalam sa kung ano ang tumatakbo sa utak nito.

Habang ang lahat ng mga kasambahay kasama si Stella ay nanatiling tahimik mula sa kanilang kinatatayuan. Walang ibang maririnig kundi ang malakas na pintig ng kanilang mga puso na siyang nangingibabaw sa lahat.

Kahit wala silang alam sa kung ano ang nangyayari sa pagitan ni Miles at ng magkapatid na Hilton ay tila makapigil hininga pa rin ang bawat segundo na lumilipas. Halatang naghihintay ang lahat sa mga susunod na mangyayari.

“ Bert!” Tawag ni Miles sa kanyang bodyguard nang hindi inaalis ang tingin nito sa mukha ni Andrade. Mula sa pintuan ng Mansion ay mabilis na lumapit ang kanyang tau