Kabanata 156

“Hmmm…” Nagising ako na nakakulong sa mga bisig ng isang lalaki. Ang init na nagmumula sa kanyang katawan ay naghahatid ng matinding ginhawa sa aking pakiramdam.

Para akong isang basang sisiw na nalimliman ng kanyang inahin, at maliban sa masakit ang aking katawan ay nanlalata rin ang aking pakiramdam.

Sinubukan kong kumilos, dahilan kung bakit nagising ang aking katabi. Maingat niyang inalis ang braso na nakayakap sa ilalim ng dibdib ko, saka bumangon.

“Sweetheart, how are you feeling?”

Nag-aalala na tanong sa akin ni Xaven. Ngunit, imbes na sumagot ay inilibot ko ang tingin sa kabuuan ng silid na aming kinaroroonan.

“W-Where am I?” Nagtataka kong tanong sa paos na boses. Nanunuyo ang lalamunan ko, marahil matagal akong nawalan ng malay. Pagkatapos sa paligid ng silid ay napako ang mga tama ko sa gwapong mukha ni Xaven. Lumamlam ang ekspresyon ng mukha ko, at parang sasabog ang puso ko dahil sa kakaibang damdamin na bumabalot dito.

Sa ilang araw na hindi ko ito nasilayan ay ma