Kabanata 146

Sa ilalim ng bukas na langit, nakalatag ang magandang tanawin sa hardin ng mga Hilton.

Ang paligid ay napapalamutian ng magagandang bulaklak. Habang sa magkabilang panig ay maayos na nakahilera ang mga bangko na nababalot ng malinis at puting tela na may kulay kremang laso sa sandalan nito.

Sa pagitan ng mga bangko ay nakalatag ang isang makapal at balahibuhin na puting carpet. Habang sa unahan ay makikita ang munting altar na sinadya para sa magsing-irog.

Ang mga kababaihan na nasusuotan ng mamahaling puting baro’t saya na may malaking laso sa bandang dibdib ( alampay). Habang ang mga kalalakihan ay pawang mga nakasuot ng puting barong. Kung iyong titingnan ang buong paligid ay wari moy nabuhay ka sa ika-labing siyam na dantaon sa panahon ng mga kastila.

Elegante at masyadong magarbo ang kasal na ‘to, dahil sa araw na ito ay magaganap ang pag-i-isang dibdib ng CEO nang LYNCON Network Company na si Mr. Winter Hilton at ng modelong si Samara Hamsa. Dahilan kung bakit nagkalat ang