Kabanta 154

“Ani! Eomma!!!”

Nahintakutan kong sigaw na halos mapatid na ang litid sa aking leeg. Nanlalaki ang aking mga mata habang pinapanood kung paanong dakmain ng aking ina ang kamay ng lalaking may hawak ng baril. Nakipag agawan siya ng baril sa tauhan ni Myung Suk na may hawak sa kanya. hanggang sa ito na mismo ang kumalabit ng gatilyo, dahilan kung bakit pumutok ang baril at bumaon ang bala sa katawan ng aking ina.

Pakiramdam ko ay para akong sinabugan ng granada. Sandaling tumigil sa pagtibôk ang puso ko. Halos hindi na rin ako humihinga habang ang mukha ko ay namumutla na. Binalot ng matinding takot ang puso ko at nanigas ang aking katawan.

“Eomma!!!” Nahintakutan kong sigaw habang tila slow motion na bumagsak sa sahig ang katawan ng aking ina ng bitawan ito ng lalaking may hawak sa kanya. Para na akong tinakasan ng ulirat at wala sa sarili na tinakbo ko ang aking ina. Subalit, hindi ako nagtagumpay na makaalis sa aking pwesto dahil naramdaman ko na lang ang isang kamay ko na pinilipit