Kabanata 152

Halos ang lahat ay sabay-sabay na tumayo ng tuwid at mabilis na sumaludo ng dumating si Kumander Myung Suk. Wari moy hari na naglakad ito sa gitna ng mga kapulisan na nakatayo sa magkabilang panig ng hallway. Tanging ang tunog ng kanyang mga yabag ang maririnig sa buong paligid, habang ang lahat ay nanatiling tahimik lamang.

Nang lampasan niya ang mga ito ay saka pa lang nila ibinaba ang kanilang mga kamay. Subalit, hindi lingid sa kaalaman nilang lahat na isa ni Song-I sa mga pulis na naka sunod sa likuran ni Myung Suk. Suot ang pang pulis na uniporme habang ang mukha ay natatakpan ng kanyang sumbrero. Huminto si Myung Suk sa tapat ng kanyang opisina dahilan kung bakit huminto at kaagad na sumaludo ang ilang mga kapulisan na nakasunod sa kanyang likuran.

Nang tuluyan siyang nakapasok sa loob ng opisina ay saka palang umalis sa kanilang mga pwesto ang mga tauhan nito.

Pasimpleng sinulyapan ni Song-I ang kanyang paligid at nang makita niya na walang tao sa paligid ay mabilis niya