Kabanata 115

“Sa loob ng ilang araw ay tila naging anino ko ang aking asawa. Wala itong ginawa kundi ang bantayan ang bawat kilos ko, at sumunod sa kung saan ako pupunta. Maging ang mga fans ko ay hindi na nabigyan ng pagkakataon na malapitan ako dahil sa sobrang higpit ng pagbabantay sa akin ng mga tauhan ni Winter. Hindi ko na alam kung maaasar ba ako o matutuwa sa ginagawa nito sa akin.

“Ma’am, may nagpadala po ng bulaklak para sayo.” Ani ng isang staff bago inilahad ang isang bungkos ng mga bulaklak sa aking harapan. Tinanggap ko ‘to, hindi para samyuin ang bango nito kundi para ilapag sa ibabaw ng lamesa kasama ng mga gamit ng aking assistant.

Kita ko ang panghihinayang sa mukha ng aking assistant dahil hindi ko man lang binigyang pansin ang nakakaakit na ganda ng magbulaklak na ito.

“Are you done?” Bungad naman sa amin ng aking manager.

“Yeah! She’s ready!” Sagot naman ng makeup artist ko sa malakas na boses. Lumapit naman sa akin ang dalawang staff ng jewelry company, bitbit ang da