Kabanata 05

Click! Click! Click! “Nice one, Maurine!” Anya ng photographer na walang humpay ang pagkuha sa akin ng litrato. Kasalukuyan akong nakaupo sa isang upuan at ibinibigay ang lahat ng makakaya upang maging maganda at kaakit-akit sa mga larawan. Suot ko ang isang red two piece habang panay ang pose ko ng iba’t-ibang posisyon.

“Wow, pare ang ganda n’yan.” Narinig kong sabi ng isang lalaki pero hindi ko na ito pinansin pa basta patuloy lang ako sa pagpopose. Maya-maya ay biglang lumapit sa akin ang kaibigan kong si Pauline at inabot sa akin ang isang roba.

“Mukhang type ka ni boss Felix ah, mag-iingat ka.” Pabulong na sabi nito sa akin habang tinutulungan ako nitong maisuot sa akin ang roba.

“Excuse me noh? he’s not my type, I’m here para magtrabaho hindi para pumatol sa isang matandang uhugin na.” Natatawa kong sagot kaya natawa rin sa akin ang kaibigan kong ito. Si Pauline ang tumatayo bilang assistant ko, siya ang dahilan kung bakit ako nakapasok sa trabahong ito. Bukod sa kaibigan ay Ka-klase ko pa siya sa isang subject.

“Kailangan ka ng manager mo sa opisina. Hinihintay ka niya ngayon.” Ani nito kaya pagkatapos kong ibuhol ang tali ng suot kong roba ay kaagad akong tumungo sa restroom upang makapag bihis ng damit. Pagkatapos magbihis ay dumiretso na ako sa opisina ng aking manager.

“Come in, Maurine, I have good news for you.” Nagagalak nitong saad, makikita ang matinding kasiyahan sa maganda nitong mukha. Tumayo pa ito at sinalubong ako ng yakap. Halatang hindi makapaghintay sa kung ano ang sasabihin niya sa akin.

“What is it, Maam Mercy?” Nakangiti kong tanong sa kanya bago sabay kaming umupo.

“Maghanda ka, Maurine, ngayong gabi ay meron kayong dinner meeting with boss Felix, don’t worry, hindi lang si Sir Felix ang kasama mo dahil makikipagdeal kayo sa ating kliyente. Ang sabi sa akin ni Sir Felix ay nagustuhan ka raw ng isa sa kanyang mga kliyente. Gusto kang kunin bilang model ng kanilang kumpanya.” Namilog ang mga mata ko at hindi makapaniwala na tumitig sa mukha ni Ma’am Mercy., this is it! Eto na ang pinakahihintay ko ang maging isang ganap na modelo, pero mangyayari lang ‘yun kung magkakaroon ako ng sponsor.

“Wow! I can’t believe it! Ma’am Mercy, thank you po talaga!” Natutuwa kong sabi at mabilis na tumayo upang yakapin ito ng mahigpit.

“Oh, s’ya, mag-ayos ka at magbihis, siguraduhin mo na presentable ka sa paningin ni boss at ng ating kliyente.” Natutuwa niyang bilin sa akin, parang may pakpak ang mga paa ko ng lumabas ng opisina ni Maam Mercy.

Eight thirty ng gabi nang dumating ako sa address na ibinigay ni Ma’am Mercy, at ngayon ay nasa harap na ako ng isang mataas na gusali ng hotel. Parang tinatambol ang dibdib ko dahil sa matinding kabâ. Subalit, sa tuwing sumasagi sa isip ko na maaari akong kumita ng malaki ay kaagad na napapawi ang anumang agam-agam sa utak ko. Kahit paano ay panatag naman ang loob ko dahil hindi ako nag-iisa, kasama ko naman si Pauline.

“Relax, para sa ekonomiya!” Nagbibiro na saad ni Pauline kaya natawa ako. Ito na ang hinihintay kong pagkakataon, sasayangin ko pa ba? Sa oras na magkaroon ako ng stable income ay makakatulong na ako kay ate Miles. Nakakapagod na rin ang mga part time job na pinapasukan ko kaya minsan ay napapabayaan ko na ang aking pag-aaral. Ayaw ko namang mabigo sa akin si Ate kaya gagawin ko ang lahat para maging matagumpay ang career ko.

Halos umabot na ng bente minuto na nakatambay kami dito sa lobby ng hotel dahil hinihintay namin ang signal mula kay boss.

“Here, take it, pampalakas ng loob.” Nakangiting saad ni Pauline habang inaabot nito sa akin ang isang baso na may lamang wine. Walang pag-aalinlangan na tinungga ko ito dahil sa totoo lang ay hindi na rin ako mapakali sa aking kinauupuan.

“Let’s go?” Nakangiting sabi ni Pauline kaya tumayo na ako at sumunod sa likuran nito. Pagdating sa corridor ng six floors ay nagtataka ako kung bakit hindi lumabas ng elevator si Pauline.

“Sa lobby lang ako maghihintay, hindi na kasi ako pwedeng pumasok sa loob.” Nakangiti niyang saad, nakakaunawa na tumango na lang ako hanggang sa tuluyang nagsara ang pintuan ng elevator. Ngunit, nang tangkain kong humakbang ay pakiramdam ko’y bigla yatang lumindol.

“S**t, what happen?” Nagtataka kong tanong at bigla akong napahawak sa pader. Ipinilig ko ang aking ulo ngunit kakat’wang nakaramdam ako ng init mula sa loob ng aking katawan. Sumagi sa isip ko ang alak na pinainom sa akin ni Pauline kaya nakaramdam ako ng matinding galit sa kanya.

“Walang hiya ka Pauline! Hindi ko akalain na magagawa mo sa ‘kin ‘to!” Matigas kong sambit at sinubukan kong humakbang habang nakahawak sa pader. Hindi ako pwedeng tumuloy sa silid na binigay nila sa akin dahil ramdam ko na may binabalak silang masama sa akin.

Isa-isa kong pinihit ang doorknob ng bawat pintuan na madaanan ko. dahil kailangan kong makapagtagô muna hangga’t hindi nawawala ang epekto sa katawan ko ng kung anong ipinainom sa akin ng traidor na si Pauline.

“I swear, mapapatay talaga kita!” Nanggigil kong bulong habang yakap ng isang kamay ko ang sariling katawan.

Pagdating sa ikatlong pintuan ay nakaramdam ako ng kasiyahan, dahil pagpihit ko sa doorknob nito ay bumukas ang pintuan. Walang pagdadalawang isip na pumasok ako sa loob, at saktong ilalapat ko na ang pintuan ay nakita ko na lumabas mula sa isang silid ang mga tauhan ni Felix. Halos pigil ko na ang aking hininga dahil sa takot na baka makita nila ako.

Mahigpit kong naikuyom ang aking mga kamay ng maramdaman ko ang matinding epekto ng gamot sa aking katawan. Subalit, ang hindi ko inaasahan ay ang biglaang pagsulpot ng dalawang malaking braso mula sa aking likuran at mabilis na pumulupot ang mga ito sa maliit kong baywang.

“Let me go! Mommy!!!” Sigaw ng isang munting tinig mula sa isipan ko, habang kinakaladkad ako ng estrangherong lalaki palayo sa pintuan.”