Chapter 3

Larissa's P. O. V.

“Anong sinasabi niyong kasal? Pumirma po kayo nang hindi ko alam?" gulat kong tanong.

Nagkatinginan si Mama at Papa. Nag-init naman ang dugo ko, sa totoo lang ay hindi pa nila nakikilala ang boyfriend ko dahil natatakot akong baka hindi sila pumayag, ngayon ay pag-aasawa mismo ang gusto nila?

Padabog akong pumasok sa aking kwarto, ramdam ko naman ang pagsunod sa akin nila Mommy. Hinubad ko ang ID ko at nilapag sa study table ko.

"Ma, nag-aaral pa po ako, hindi ako pwede mag-asawa!" d***g ko.

"Anak, pwede ka mag-aral habang asawa mo na si Mr. Madrigal. Kayang-kaya niya punan lahat ng pangangailangan mo," ani Mama.

"Ma, pakiramdam ko po pinapamigay niyo ako..." malungkot kong sabi.

"Kung ipapamigay ka namin, doon sa taong alam naming masisiguradong maayos ang magiging buhay mo," ani Papa.

Napabuntong hininga ako at naupo sa aking kama. Lumapit si Mama at hinawakan ang balikat ko.

"Anak, kung kay Mr. Madrigal ka mapupunta, magiging panatag kami dahil mabibigyan ka niya ng magandang buhay," ani Mama.

"Paano po kung sabihin kong ayoko?"

Bakas ang pagkadismaya sa mukha ni Mama at Papa, hindi man lang nila inisip ang desisyon ko, ang gusto ko. Sila agad ang gumawa ng hakbang.

"Anak, si Mr. Madrigal ang CEO ng isang malaking company sa maynila--"

"Pa, kahit ako lang naman kaya ko kayo buhayin. Konti na lang po magiging ganap na nurse na ako. Sasahod na ako at mabibigyan ko kayo ng maayos na buhay kahit hindi na kayo magtrabaho--"

"Anak, sa poder ni Mr. Madrigal, hindi mo na kailangan magtrabaho."

Napaawang ang labi ko sa sinabi ni Papa. Napayuko ako at gusto ko nang maiyak. Hindi ko na kayang tiisin ito.

"Ma, Pa. May boyfriend po ako na gusto kong makasama, hindi yung Mr. Madrigal na 'yan, hindi ko po siya kilala," ani ko.

"A-Ano? Nagnobyo ka nang hindi namin alam?" gulat na sambit ni Mama.

"Ma, mabuting tao yung boyfriend ko ngayon. Si Seth po, isa siyang architecture student at---"

"Student, anak. Estudyante lang din ang boyfriend mo. Si Mr. Madrigal ay graduate na at nalaman namin na sa ibang bansa siya nag-aral."

Napabuntong hininga ako, mukhang imposible na makumbinsi ko sila Mama. Pinipilit pa rin nila ako sa lalakeng hindi ko kilala at hindi ko mahal.

"Ma, Pa. Gusto niyo ba talaga ako ibigay sa lalake na hindi man lang natin kilala ng personal?" tanong ko.

"Kaya nga mamayang gabi, magkakaroon daw tayo ng dinner kasama siya. Para mas makilala natin siya."

Napahalukipkip ako at tumayo. Lumakad ako patungo sa bintana ng kwarto ko at pinipigilan kong maiyak.

"Issa, matanda na kami. Hindi namin alam kung kaya ka pa namin bantayan hanggang dulo."

"Bakit niyo po ba sinasabi 'yan? Hindi po kayo mawawala."

"Anak, iyon ang totoo. Mawawala rin kami at bago mangyare 'yon, gusto namin na maayos ang magiging buhay mo kahit na wala na kami. Sigurado kaming magiging maganda ang future mo kay Mr. Madrigal."

Napatitig ako kay Mama at Papa, nawalan ako ng pag-asa. Tanging lungkot ang naramdaman ko.

"Sige, ako ang kakausap sa kaniya na itigil 'to."

"Anak, gusto ka niya. Hindi ka ba natutuwa na isang bilyonaryong lalake na kagaya niya ay magkakagusto sa 'yo?" tanong ni Mama.

Napaawang ang labi ko sa sinabi ni Mama. Anong klaseng lalake ba ang Madrigal na 'yon? Hindi ba siya isang manyakis na matanda na gusto ng mga batang kagaya ko?

"Kapag matanda na madaling mamatay 'yan, Ma. Magtatanim ako ng sama ng loob sa inyo."

"Gwapong binata ito, anak. Mamaya ay makikilala mo rin siya."

*******************

Pagsapit ng gabi, pumunta kami nila Mama sa isang magarang restaurant. Mula sa mga kasuotan ng mga tao narito na kumakain, masasabi kong mayayaman lang ang taong kayang kumain dito. Kumikinang ang kanilang mga alahas at tahimik silang kumakain.

"Anak, tara na," ani Mama at hinila ang braso ko.

Naglakad kami patungo sa isang magandang hagdanan, umakyat kami roon at nakita ko ang mas malaki pang lugar na tila ba pakiramdam ko nasa palasyo ako. Maluwag ang lakaran, malalayo din ang pagitan ng mga lamesa.

"Good evening, any reservations?" tanong ng isang waitress kay Mama.

"We are with Mr. Madrigal."

"Mr. Madrigal? This way, Ma'am and Sir."

Naglakad ang babae at kami naman ay sumunod sa kaniya, huminto sa dulo at nakita kong may nakaupong isang lalake doon. Sa gilid niya ay may dalawang lalake na malaki ang katawan. Mistulang mga body guard ang mga ito.

"Your guest are here, Sir."

Binaba ng lalake ang hawak nitong cellphone at tumayo. Napaawang ang labi ko nang humarap ito sa amin. Tama si Mommy, binata nga siya. Ngumiti ito sa amin.

"Good evening, Mr. and Mrs. Bernardo, come and take a seat."

Pormal itong magsalita. Nanatili naman akong natayo nang biglang magtama ang mga tingin namin.

"Ms. Larissa Bernardo, it's nice to see you," aniya at ngumiti.

Napabuntong hininga ako at hindi siya pinansin, naupo ako sa tabi nila Mommy. Siniko ako ni Mommy dahil pinahiya ko si Mr. Madrigal.

Napatingin ako sa mga mata niya, kapansin-pansin ang makapal nitong pilitmata. Maayos ang shape ng makapal niyang kilay. Matangos ang ilong niya at mukhang mas matangos kaysa sa akin. Katamtaman ang labi nitong bahagyang mapula. Maayos at malinis ang gupit ng kaniyang buhok na bagay sa suot niyang formal attire.

"I don't know what foods you want to eat so, I ordered all of the menu."

Napakunot ang noo ko sa sinabi niya, dumating ang madaming waitress at waiter na nilapag sa lamesa ang iba't ibang putahe ng pagkain sa malaki naming table.

"Ang yabang, daming in-order, akala mo kung sinong mayaman," bulong ko.

"Issa," saway sa akin ni Mama.

Napairap ako.

"Hindi mo ba nagustuhan ang nakahain, Larissa?" tanong ni Mr. Madrigal.

"G-Gusto, pero huwag na nating patagalin 'to. Sa totoo lang, Mr. Madrigal. Hindi ako pumapayag sa alok mong kasal."

Hinampas ni Mama ang binti ko.

"Aray! Ma!" d***g ko.

Nakita kong ngumisi si Mr. Madrigal at kinuha ang glass of wine.

"Your parents already signed the contract so there's no turning back."

Napaawang ang labi ko. Akmang kukuha si Papa ng isang meat sa plato pero hinawakan ko ang kamay niya para pigilan ito.

"Terminate the contract," utos ko.

"Wala sa kontrata na pwedeng mag-back out ang Licensor."

"A-Ano? Ang unfair mo naman magpakontrata!" sigaw ko.

Napatayo ako. Tumingin ako sa paligid at nakita ko ang signage ng banyo.

"Larissa, calm down. Nakakahiya sa ibang tao," ani Mama.

"Anak, show some respect," ani Papa.

"Magbabanyo muna ako, bahala kayo diyan," inis kong sabi at umalis sa kinauupuan ko.

Mabilis akong naglakad patungo sa ladies rest room. Pagpasok ko doon ay namangha agad ako sa linis at ganda ng banyo. Napansin ko namang walang tao kaya lumapit ako sa sink.

"Lintek na lalakeng 'yon, gwapo lang, pero mayabang. Para kaming mukhang pera!" inis kong sabi.

Tinapat ko ang kamay ko sa gripo at automatic itong lumabas ang tubig. Naghugas ako ng kamay habang gigil na gigil ako sa lalakeng 'yon.

"Larissa."

Napatigil ako nang marinig ko ang boses ng kinaiinisan kong lalake.

"Anong ginagawa mo dito? Hindi ka ba marunong magbasa na ladies rest room 'to!?" sigaw ko.

Patuloy siya sa paglapit sa akin habang ako naman ay paatras ng paatras. Nakikipagtitigan lang siya sa akin hanggang sa naramdaman ko na ang malamig na pader sa aking likod.

"Ano ba---"

"Get ready for our wedding," aniya.

"Baliw ka ba---"

"Yes."

Nanlaki ang mga mata ko sa sinagot niya.

*********