Kabanata 4

Kabanata 4

    "T-THIS is for me? Sigurado ka, Clayton?"

Napatitig si Ann sa hawak at pagkatapos, binalik ang mga mata sa lalaking kaharap niya. Nag-iwas naman ng tingin si Clayton sa kanya at naiinis na nagkamot sa ulo. 

"A-Ano? Kukunin mo ba o hindi? Kung ayaw mo, akin na uli." Sinubukan nitong kunin ang manggang hilaw at bagoong alamang ngunit mabilis na niyang iniwas sa lalaki ang hawak. Napamaang naman si Clayton at nakasalubong ang kilay na tumingin sa kanya. 

"Bigay mo na sa akin ’to kaya akin na ’to. Salamat, Clay."

Muling nag-iwas ng tingin si Clayton sa kanya at may pagmamadaling umalis sa harapan ni Ann. Natatawa naman itong sinundan ng tingin ng babae. Noong makaakyat si Clayton sa second floor ng bahay, doon lang uli minasdan ni Ann ang hawak na mangga at bagoong. 

Now that she’s pregnant, Ann has cravings for food. She tried to be secretive about it because she doesn’t want to be Clayton’s burden. Kaya kapag takam na takam siya sa isang bagay, kapag wala si Clayton ay lumalabas talaga siya ng bahay para lang mabili ang gusto niya. O kaya naman, kasama niya si Clarisse, ang kapatid na babae ni Clayton na kaibigan niya rin at silang dalawa ang naghahanap ng mga pinaglilihian niya. 

Ngunit hindi niya alam na napapansin pala ni Clayton ang mga iyon kahit na anong tago niya. At ito nga, binilhan pa siya ng lalaki ng manggang hilaw at bagoong na kanina niya pa gustong kainin. Ito ang balak niyang hanapin bukas kasama si Clarisse ngunit si Clayton na ang gumawa noon para sa kanya. Gabi na at halatang galing pa sa trabaho ang lalaki at mukhang pagod pa ito kaya sobrang natutuwa si Ann sa effort ni Clayton. 

Now, her hopes are up again . Siguro, hindi rin masamang ipakasal nga kay Clayton kahit na hindi niya rin iyon gusto noong una. Pwede naman sigurong umasa na sa hinaharap, magiging masayang pamilya sila kasama ang magiging anak nila, hindi ba? 

Masayang kinain ni Ann ang biniling pagkain ni Clayton. At noong matapos siya, marahan niyang hinaplos ang medyo may kalakihang tiyan. 

"Baby, bumabait na si Daddy mo. Konti pa siguro, magiging masayang family tayo."

Ganoon nga ang naging set-up nila. Kapag may gustong kainin si Ann, hindi man niya sabihin kay Clayton, lagi nitong binibigay ang gusto niyang mga pagkain. Dahil doon, lumalago ang pag-asa sa puso ni Ann na magiging maayos sila ng asawa.

Hindi man siya kinikibo ng lalaki at parang hangin lang minsan kung ituring nito, ramdam naman ni Ann na kahit paano, may amor na muli si Clayton sa kanya hindi tulad noong mga unang buwan nilang magkasama sa iisang bahay. Hindi na siya nito sinusungitan at minsan pa, tatanungin siya kung maayos ba ang pakiramdam niya at kumusta rin ba ang baby nila. Minsan din, may uwi itong vitamins at mga gulay para sa kanya na labis niyang kinatutuwa. 

Those small actions of Clayton made Ann hopeful again. She feels that sooner or later, Clayton will warm up on them again.

At mas lalo pang umusbong ang pag-asa na iyon noong unang mabungaran niya mula sa pagpapahinga si Clayton na buhat-buhat ang anak nila na kapapanganak pa lang niya. May mumunting ngiti sa mukha nito habang minamasdan ang sanggol na kinangiti niya rin. 

Napansin siya ni Clayton na gising na siya kaya lumapit ito at nilapag sa tabi niya ang tulog na sanggol. Sinilip ni Ann ang anak at agad siyang naluha noong matitigan ito. Hindi man niya gaanong maaninaw kung sino ang kamukha ng bata sa kanila ni Clayton, punong-puno ang puso ni Ann ng kasiyahan dahil kapiling na nila sa wakas ang anak. 

"What do you want to name him?" tanong ni Clayton sa kanya. 

"Name?"

Sinulyapan nito ang baby at hinaplos ang mukha. "Yes. Nagtatanong ang nurse kanina kung anong pangalan niya pero wala akong nilagay. I told them to wait for you to wake up. You’re the mother so you have the rights to name him."

Dumapo rin ang paningin niya sa anak na mahimbing ang tulog. May gusto siyang pangalan ngunit gusto rin ni Ann na pareho silang pipili ni Clayton ng pangalan ng anak.

Kahit nanghihina pa, sinubukan ni Ann na umupo at umalalay naman kaagad si Clayton sa kanya. Hinarap niya ang asawa at nakangiting nagtanong din dito. "A-Anong gusto mong pangalan ng baby?"

Nagulat si Clayton sa tanong niya. "I could also name him?" Tumango siya na kinangiti rin nito. Sandali itong nag-isip at hinintay naman ni Ann kung ano ang sasabihin ni Clayton.

"...Then Rence. Laurence is his name."

Laurence? Ang ganda para sa pandinig ni Ann ang napiling pangalan ni Clayton. Inangat niya ang tingin at nagtagpo ang mga mata nila ni Clayton. 

"Idadagdag ko iyong Simon na nakuha ko sa baby book. Laurence Simon Fuentebella..." Nilingon niya ang anak at kinausap ito kahit na tulog ang sanggol. "Iyon ang pangalan mo, anak."

"Laurence Simon?" bulong ni Clayton na narinig ni Ann. "It’s a beautiful name." Dumukwang si Clayton para halikan ang anak sa noo at gumapang ang tuwa sa puso ni Ann nang makita ang aksyong ito ni Clayton. 

✿✿✿

    39.7°c ANG NAKITA ni Ann na temperatura ni Rence at kahit nakadalawang tapal na siya ng kool-aid sa noo nito, hindi pa rin bumababa ang lagnat ni Rence. Kagabi, bumaba na ang lagnat nito kaya nakampante si Ann na magaling na ang anak. Nagluto muna siya ng almusal ng bata at saka ito sinilip. Ngunit noong hindi gumigising ang anak, doon niya lang ito sinuri. Hindi akalain ni Ann na babalik at mas tataas pa ang lagnat ng bata. 

Wala na rin si Clayton para hingan niya ng tulong dahil maaga pa lang, umaalis na ito para pumasok sa opisina. 

"B-Baby? Rence?" She tried to wake him up but Rence just groaned and hug the blanket tightly. Isang ulit niya pang hinipo ang noo nito at nagdesisyong gumawa ng paraan para maibsan ang mataas na temperatura ni Rence. 

Tinakbo ni Ann ang kusina at agad na kumuha ng bimpo sa kung saan at isang plangganita para buhusan ang bimpo ng malamig na tubig. Pagkatapos, dinala niya iyon sa kwarto ni Rence at nang mapiga niya ang hawak, nilapat niya sa noo ng bata. 

Hindi na ni Ann alam ang gagawin dahil unang beses na nangyari ito kay Rence. Noong sanggol naman kasi ito ay hindi lumilipas ang isang araw na magaling na ito kapag nagkakasinat ang anak kaya ngayon, nangangapa si Ann sa kung anong dapat gawin. 

Kinuha niya ang cellphone at balak sanang tawagan si Clayton noong may narinig siyang doorbell. Sinilip niya muna si Rence at sandaling nagdalawang-isip bago niya tinungo ang pinto at lumabas ng bahay para tingnan kung sino ang nagdo-doorbell. 

Pagbukas ni Ann ng gate, si Clausse na bunsong kapatid ni Clayton ang bumungad sa kanya. Nakangiti ito sa kanya at tinaas pa ang hawak ng paperbag. 

"Ate Ann, may bibigay lang ako kay Baby—"

Naputol ang sasabihin nito noong hatakin niya ang binatilyo at papasukin sa loob ng bakuran. "Clausse, tulungan mo ako! Ang taas ng lagnat ni Rence."

Nanlaki ang mga mata nito. "What?!"

Nauna pang tumakbo paloob ng bahay ang lalaki at agad na nagtungo sa kwarto ni Rence na nasa itaas at bumungad sa kapatid ni Clayton ang pamangkin na nababalutan ng makapal na comforter. 

Namumula ang mukha ng bata at nakakunot ang noo tanda na hindi ito komportable. Lumapit ito sa pamangkin at hinaplos ang mukha ng bata. Lumingon si Clausse kay Ann na kapapasok lang din sa kwarto. 

"Ate, ang taas nga ng lagnat niya! Dalhin na natin sa ospital si Rence!"

Sandaling natulala si Ann at noon lang siya natauhan nang pangkuin ni Clausse si Rence at mabilis na lumabas ng kwarto. Binalot nito ang pamangkin ng kumot at sa ganoong itsura ito nagtuloy-tuloy na umalis. Humabol naman siya rito at hinawakan ang braso ni Clausse. 

"C-Clausse, wala akong pera para sa ospital—"

Magkasalubong ang kilay ni Clausse na nilingon siya. "Ate naman! Mamaya mo na isipin ang pera! Si Rence ang usapan dito. Ang taas na ng lagnat niya! At saka anong ginagawa ni Kuya Ross? CEO siya naturingan pero bakit ganito kayo ni Rence, iniisip pa ang gagastusin? I-admit muna natin si Rence tapos ask for Kuya’s assistance!"

Napakagat ng ibabang labi si Ann at kahit nanliliit sa sarili at may pag-aalinlangan pa rin, sumunod siya kay Clausse. Nailabas kaagad ng binatilyo ang anak niya at saktong may dumaraan namang taxi sa kalye na iyon kaya pinara nila ito. 

Nang makasakay, hinarap siya ni Clausse habang yakap nito si Rence. "Ate, tell me the truth, did my brother always give you a hard time? He didn’t even give you money for yourself?"

Mapait na ngumiti si Ann. Pangit mang sabihin pero saktong-sakto lang ang binibigay na pera sa kanya ni Clayton dahil baka raw kung saan niya dalhin ang pera. Ayaw naman niyang manghingi pa ng pandagdag dahil ayaw niyang masumbatan. Kaya iyong kapiraso niyang naiipon, iyon ang binibili niya ng pangangailangan nila ni Rence.

She doesn’t want to complain to others because she doesn’t want to taint Clayton’s name outside. Kahit pa sa pamilya nito. Hangga’t maaari, kung kaya niyang protektahan ang pangalan nito, iyon ang ginagawa ni Ann. 

Dahil sa hindi niya pagkibo, parang kumpirmasyon na rin iyon kay Clausse. Kinuyom nito ang kamao at kung nasa harap lang nito ang kapatid, sinapak na siguro ni Clausse ang kuya. 

"Ate, I don’t want you to leave Kuya but if he’s like this, please do so. Leave him and take Rence away from him. Nakikita ko naman na nasasaktan ka na. Pati si Rence, nadadamay na sa gulo ninyo."

Hindi siya kumibo ngunit unti-unti na ring natitibag ang kagustuhan ni Ann na manatili sa piling ni Clayton. Sarili niya lang ang nakakaalam kung ano ang nararanasan niya sa kamay ng asawa. 

Hindi man siya saktan nito sa pisikal na aspeto, nariyan naman ang mga salita nito na minsan, pinipilit na lang niyang lunukin kahit na parang niyuyurakan na ang pagkatao niya. Kung hindi dahil sa anak nilang dalawa, gusto na ni Ann na magpakalayo-layo. 

Dumapo ang mga mata niya sa anak na buhat ni Clausse. Nakikita niya pa rin ang paminsan-minsang panginginig nito at mayamayang pag-ungol. 

Nagdesisyon si Ann. Kailangan niyang puntahan si Clayton. Kailangan nitong malaman ang kalagayan ng anak nila at hihingi na rin siya ng pambayad ng ospital dito. Lulunukin niya ang hiya dahil si Rence ang usapan dito. Tama naman si Clausse. Bakit siya matatakot sa lalaki kung para sa kapakanan ni Rence ang gagawin niya? 

"Clausse, ikaw ang mag-admit kay Rence, ha? Pupuntahan ko ang kuya mo. Kailangan niyang malaman na may sakit ang anak niya. Ikaw na muna ang bahala sa pamangkin mo."

Bumaling sa kanya ang katabi at tinango nito ang ulo. "Don’t worry, I will look after Rence, Ate."

    NAKARATING din si Ann sa tapat ng kumpanya na pinamamahalaan ni Clayton. Ito ang unang tapak niya rito pagkatapos ng apat na taon. Unang punta niya rito ay noong buntis pa lang siya kay Rence at katatalaga pa lang na CEO n’on kay Clayton. 

Humugot nang malalim na hininga si Ann at binuga iyon bago siya pumasok sa glass door at ang una na bumungad sa paningin niya ay ang malawak na first floor nito. May pailan-ilang mga empleyado na naglalakad. 

Pahakbang na sana si Ann patungo sa employees’ elevator noong may tumawag sa kanya at saktong hinarang din siya ng security guard. 

"Miss, where are you going?" malakas na tanong ng receptionist na mula sa information desk na nakabungad pagpasok pa lang ng kumpanya. 

"Miss, punta po muna kayo sa reception area bago kayo makakaakyat," sabi naman ng guard sa kanya sabay turo sa information desk. 

Walang nagawa si Ann kundi doon nga pumunta at nagtatanong ang ekspresyon ng dalawang receptionist habang nakatingin sa kanya. 

"Hello, Ma’am. May I check if you have an appointment and from what department is it?"

Biglang dinagsa ng kaba ang dibdíb ni Ann. Kahit na totoo ang sasabihin niya, paano kung hindi siya paniwalaan? Ngunit kahit ganoon ang nararamdaman, pinili ni Ann na sabihin ang pakay. 

"Hello. I need to head to the CEO’s office to talk to Clayton Rossen Fuentebella. I’m his wife."

Tumabingi ang magandang ngiti ng babaeng kausap ni Ann at kumurap-kurap ang mata nito bago siya pinasadahan ng tingin. Dahil simpleng damit lang ang suot niya, hindi nakaiwas sa mga mata niya ang pagkadisgusto sa mata ng babae. Maging ang kasama nito sa information desk, napatingin din kay Ann. 

"M-Ma’am, sorry for saying this but you don’t look like Mr. Fuentebella’s wife. To be honest..." Isang ulit pa siya nitong tiningnan mula ulo hanggang paa na kinakirot ng puso ni Ann. "...you looked like a maid, Ma’am."

Paimpit na tumawa ang katabi ng babae at maging ito, nakisabat sa usapan. "Ma’am, marami na pong gumawa ng ginagawa ninyo ngayon. Halos lahat ng babaeng pumupunta rito, nagpapanggap na asawa ni Sir. Mas maganda sana na ngayon pa lang, umalis na kayo."

"A-Asawa niya talaga ako. You can call him to confirm that I am his wife!" Nilunok ni Ann ang bikig sa lalamunan at kahit naiiyak, pinilit niyang tatagan ang boses.

"Ma’am, umalis ka na lang. Nakakagulo ka sa amin."

"I’m his wife! Why do I need an appointment just to see my husband?!" Hindi na niya mapigilang isigaw. 

Totoo naman ang sinasabi niyang siya ang asawa ni Clayton. Yes, she knows that they are just doing their jobs but does that also include to mock her? 

Sumama ang tingin ng babae kay Ann at nilingon nito ang security guard na nasa likuran niya. "Ma’am, kung hindi pa ninyo ititigil ang ginagawa ninyo, tatawag kami ng pulis. Sa pagkakaalam ko, walang asawa si Mr. Fuentebella kaya itigil na ninyo ang panggugulo rito."

"Ako nga ang asawa niya!"

"Kung kayo nga ang asawa ni Sir, bakit hindi n’yo siya tawagan? Tsaka, Ma’am, wala kaming nabalitaan na kinasal si Sir kahit kanino. Rumors lang na may asawa siya. Tama na ang pantasya n’yo. May girlfriend din si Sir. Si Sheena ’yon na personal secretary niya."

Napahigop ng hangin si Ann at pinigil niya ang sarili na sigawan ang lahat ng tao na naroon. Ramdam niya ang mga nakakatusok na tingin ng mga taong naroon at lalo siyang nanliliit. 

Lumapit na ang guard sa pwesto niya at hahawakan na sana siya nito noong umiwas si Ann. "J-Just let me call someone first. Don’t throw me out."

Kagat-kagat ang labi na kinapa niya ang cellphone sa bulsa ng bestida niyang suot at swerte na naroon ang hinahanap niya. Nanginginig ang kamay na sinuri niya kung nasaan ang number ni Clarisse at nang makita ang numero nito, agad niyang tinawagan iyon. 

Isang ring lang at agad na sinagot ni Clarisse ang tawag ni Ann. “Hello, Angielyn?”

"C-Clarisse, pwede ka bang pumunta rito sa company ni Clayton? I need your help, please..."

    NAKARATING agad si Clarisse at noong makita nito si Ann na mukhang kaawa-awa ang itsura, tumakbo ito palapit sa kanya at mahigpit na niyakap si Ann. 

"Angielyn, what happened? Why did you call me?"

Napanganga naman ang mga nakakita ng ginawa ni Clarisse. Kilala kasi nila ang babae bilang kapatid ng CEO nila. Minsanan mang pumunta ang babae sa kumpanya, bago pa ito dumating ay nakaabang na kaagad ang assistant ni Clayton para salubungin si Clarisse. Kung ganoon, totoo ang sinabi ni Ann na asawa siya ng CEO ng kumpanya? 

"Clarisse, kailangan kong kausapin si Clayton pero hindi ako makaakyat sa itaas. May nangyari kay Rence at kailangan ko ng tulong!"

Nalakipan ng pag-aalala ang mukha ni Clarisse. "What?! Something happened to my nephew? Let me talk to Kuya! Tara!"

Ito na ang umakay sa kanya patungo sa private elevator na para lang sa mga executives. Ngunit bago gawin iyon, nilingon nito ang mga staff na humarang kay Ann at tinapunan sila ng masamang tingin.

"I’m going to settle your accounts later. Just wait for me!"

Nang marinig iyon ng mga taong kanina ay umaalipusta kay Ann, lahat sila ay binaha ng takot sa dibdíb. Ngunit kahit gusto man nilang makiusap, wala na si Clarisse at Ann dahil nakasakay na ang dalawa ng elevator. 

Pinindot ni Clarisse ang top floor button at pagkatapos noon, pumihit ito paharap sa kanya. "What happened to Rence?"

Pinagsalikop ni Ann ang dalawang kamay at pinisil-pisil iyon para maibsan ang kaba. "Mataas ang lagnat ni Rence. Dinala namin siya ni Clausse sa ospital kanina. Pero dahil wala akong pera, pumunta ako rito para humingi kay Clayton. Sakto lang iyong panggastos na binibigay niya sa akin para sa utility bills."

Napasinghap naman si Clarisse. "What do you mean you don’t have money? Kuya is not giving you extra money? How could you survive without it? What the fúck is his problem?!"

"C-Clarisse—"

"Huwag mong pagtakpan si Kuya, Angielyn! Please lang, huwag ka namang martir! Matagal na akong nagtitimpi sa ugali niya! I will really kick his áss later! Humanda siya sa akin!"

Bumukas ang elevator at hinatak siya ni Clarisse palabas. Tuloy-tuloy itong naglakad papunta sa office ng kapatid at walang pasabing binuksan ang pinto. 

Ngunit napanganga si Ann sa nasaksihan. Pakiramdam niya, nanlamig ang buong katawan niya habang nanlalaki naman ang ulo niya dahil sa nakikita. 

May nakaupong babae sa mga hita ni Clayton habang magkahalikan ito at ang asawa niya. She’s aware of his cheating, yes. Pero ibang usapan ang makita iyon ng dalawang mata niya. 

Tahimik na kumawala ang pinipigil na mga luha ni Ann. 

✿✿✿✿✿