Book 9" Charles 22-Pagtatapat

NANG gabing din na iyon ay kinausap ni Wigo nang sarilinan ang ama ni Rovelyn. Naipon na niya ang lahat ng lakas ng loob upang tanggapin ang kung ano man ang maging parusa sa kanyang nagawa. Inaasahan na rin niyang makatanggap ng suntok sa ginoo.

Sa garden sila nag-usap ng ginoo matapos makapaghapunan. Hindi naman siya naduduwag, kaso takot siya na baka ayawan siya at ilayo sa kaniya ang dalaga. Parang sumapi sa ginoo ang aura ni Max nang marinig ang kaniyang pag-amin tungkol sa nangyari sa kanila ni Rovelyn.

"Tarantado ka! Hindi kasama sa pinatatrabaho ko sa iyo ang paggalaw sa anak ko!"

Hindi siya umilag nang suntokin siya ng ginoo sa mukha. Masakit pero hindi niya ininda iyon. "Sorry, sir, handa ko po panagutan ang ginawa ko sa iyong anak."

Marahas na buntonghininga ang pinakawalan ni Josh at muling naikuyom ang kamao. Pinigilan ang sarili na masuntok muling ang binata. Kung ibang tao lang ito at hindi alam ang family background, sisiguradohin niyanvmg hindi na ito sisikatan pa ng