Book 7: Chapter 4-Paghahabol sa kalabam

"MAGANDA ba ito?" Maarteng tanong ni Ellah kay Cristine habang pinapakita ang napiling damit.

Kung nakakaduling lang ang pag-rolling eyes ay baka apat na ang paningin ni Cristine. Ganoon ang ginagawa niya sa tuwing nakatalikod ang bagong amo dahil sa pag-iinarte nito. Hindi na lang sampu ang napipili nito pero hindi naman binibili kahit sabihin niyang ok. Alam niya na nanadya ito na inisin siya upang mag-resign. Nabalaan na siya ni Cloud tungkol sa pag-ayaw nito na magkaroon ng personal assistant.

"Tayo nang umuwi, wala akong nagustohan." Nakasimangot na humarap si Ellah kay Cristine, ang totoo ay dito siya badtrip dahil wala manlang siyang naririnig na reklamo mula dito.

Tanging ngiti lang ang isinagot ni Cristine at tahimik na sumunod kay Ellah. Habang naglalakad ay sinusuri niya ang likod nito. Kung lalaki lang siya ay tiyak na mapapasipol siya sa ganda ng hubog ng katawan ng huli. Maumbok ang pang-upo nito at parang ramp model kung maglakad bukod sa ganda ng mukha. Lahat ay napapa