Book 7: Chapter 7- Nakakatakot na mga titig

MANAKA-NAKANG sinusulyapan ni Ellah ang aroganteng binata mula sa kinauupuan. Isang oras na siyang nakaupo sa kanyang pwesto sa loob mismo ng opisina ngunit ni hindi pa siya inuutusan ng lalaki. Ito ang unang araw na magkasama sila sa trabaho. Si Cristine ay nanatili sa labas kung saan dapat ay naroon din siya. Wala siyang magawa kundi ang manahimik. Sa hitsura ng binata ngayon ay mukha itong manuntok kapag may nang-isturbo dito.

"Stop staring and do your work." Walang kabuhay-buhay na sikmat ng lalaki sa kanya. Hindi siya nababahala na makita nito ang pagsimangot niya dahil nanatiling nakatutok ang mga mata nito sa hawak na papel.

Ramdam ni Cloud na nakatingin pa rin sa kanya si Ellah. Napilitan siyang umangat ng mukha upang balaan ito sa pamamagitan ng tingin lamang. Hindi siya sanay na may kasama sa loob ng opisina, pero kailangan niyang gawin iyon upang makita ang bawat kilos ng dalaga.

"Pwede bang lumabas muna ako?" ngumiti siya sa binatang seryusong nakatingin sa kanya. "Ang bor