Book 4: Chapter 24-Labis na pagmamahal

"TAMA ang ama mo, Hija. Magbakasyon ka muna ngayong break semester habang abala ang iyong asawa sa work niya upang hindi ka nalulungkot dito." Sang-ayon ni Julia sa suhistyon ng asawa sa kaniyang anak. Napapansin nila na naging malungkutin ito nitong mga huling araw at hindi nila nakikita na laging magkasama ang dalawa.

"Hindi ko po kayang lumayo kay Jeydon kahit isang araw lang." Nakalabi niyang sagot sa ina habang nilalaro ang hawak na kutsara. Nagpasalamat siya at naroon ang mga magulang ngayon. Kahit papaano ay nabawasan ang lungkot na nadarama.

"Kailangan mong sanayin ang sarili mo na hindi sa lahat ng oras ay nasa tabi mo siya." Pangungulit ni Waleed sa anak gamit ang salitang banyaga. Nag-aalala rin siya sa sobrang pagmamahal nito sa asawa nito. Buong buhay nito ngayon ay sa kaniyang manugang umiikot na hindi niya nagustohan.

Kahit anong paintindi ng mga magulang na kailangan niya magtira ng pagmamahal sa sarili ay hindi niya maintindihan. O mas tamang sabihin na ayaw niyang in