Book 2: Chapter 17-Pagkalito

"Ma, bakit nagkaganito ang lahat? Bakit nag-iba bigla si Lola? Parang hindi niya ako apo kung ituring ngayon." Masama ang loob na tanong ni Roxane sa ina.

Napabuntonghininga si Amanda habang hinihilot ang sintido dahil biglang sumakit ang kaniyang ulo. Hanggang ngayon ay hindi rin siya makapaniwala na wala na siya sa mansyon sa isang iglap lamang.

Hindi maiwasan ni Amanda ang mangamba ngayon. Kung sakaling mabulgar ang katotohanan tungkol sa pagkamatay ni Marcus. Hindi rin malabong mangamoy ang isa pang lihim na kaniyang tinatago. Tiyak na sa kangkungan nga siya pupulotin at magkatotoo ang sinabi ni Sasha.

"Ma? Nakikinig ka ba sa akin?!" untag ni Roxane sa ina na mukhang natulala na habang nakatitig lang sa kaniya. Mukhang tagusan ang tingin nito sa kaniya at hindi siya naririnig.

Napakurap si Amanda nang marinig ang matinis na boses ng anak. "Pwede bang huwag ka munang maingay? Sumasakit na ang ulo ko at lalong hindi makapag-isip ng dapat gawin dahil sa ingay mo!"

Si Roxane naman ang