Book 10: Chapter 14-Pagbabalik-tanaw

HINDI alam ni Cristine kung ilang oras na siyang nakaharap sa salamin. Malungkot na nakipagtitigan sa sariling mukha sa salamin. Hanggang ngayon ay nagugulat pa rin siya kapag humarap sa salamin. Hindi nagbago ang kaniyang mga mata at labi ngunit malaki pa rin ang pinagkaiba ng dating mukha at ngayon. Pakiramdam niya ay parang nag-iba ang hugis ng kaniyang ilong at mukha. Mas naging matingkad din ang kulay niya at ang dating manipis na kilay ay kumapal. Kinapa niya ang maliit na nunal na nasa gilid ng kaniyang labi. Mapait ang ngiting sumilay sa kaniyang mga labi habang nakipagtitigan sa sariling mga mata.

Masasabi niyang ibang mukha ang makikita sa kaniyang katauhan pero ang mga mata niyang nangungusap kung maningin ay naroon pa rin. Siya si Cristine o Cris kung tawagin ng mga mga magulang. Dapat ba siya magpasalamat kay Robert dahil kahit papaano ay hindi binago ang kaniyang pangalan? Bilang bagong katauhan ay kailangan niyang panindigan ang bago niyang pangalan ngayon. Gusto niya