TRES 1

TIANA

NAGLALAKAD ako sa kahabaan ng daan habang tagaktak ng pawis ang noo ko. Tanghali na at pagod na rin ako sa paglalakad. Ubos na ang luha ko dahil kay Tres. Ayaw ko nang lumuha pa.

Hindi ako sigurado kung saan ako pupunta. Ang totoo ay wala naman talaga akong mapupuntahan, kaya ayaw tumigil ng mga paa ko sa paglalakad kahit anong pagod ko.

Walang masyadong kabahayan at tahimik lang itong lugar kung nasaan ako. Balak ko sanang umupa na muna nang maliit na bahay o kahit boarding house lang, pero wala naman akong sapat na perang maipambabayad. Umalis akong isangdaan lang ang dala sa bulsa.

"Huwag kang mag-alala, anak. Magtatrabaho ako para sa iyo. Hindi ako papayag na magutom ka. Kaya natin ito kahit wala ang ama mo."

Tumingin ako sa kabilang banda ng kalsada. May natatanaw akong maliit na bakery sa hindi kalayuan. Naisipan kong kumain na muna dahil kumakalam na ang sikmura ko.

Tatawid sana ako ng kalsada, pero isang malakas na busina ang narinig ko. Natigilan ako nang makita ang pap