TRES 9

TIANA

HINDI sinasadyang mabitiwan ko ang hawak kong cellphone nang marinig ang usapan nina Mama Carmen at Peter. Gulat na napalingon ang dalawa sa akin.

"Oh, hija, nandiyan ka pala." Nilapitan ako ni Mama Carmen at niyakap.

Nakatayo ako sa bungad ng pintuan ng dining. Kararating ko lang nang marinig ang usapan nila. Ngumiti siya sa akin at tinanguan ako.

"Naipaghiganti na kita, Tiana. Sunog ang bahay kasama ang mga pera't alahas ng babaeng iyon. Walang-wala na sila ng anak niya."

"Mama Carmen... n-nasaktan si Rosa?"

Nakatingin lang siya sa akin nang magkibit ng balikat. "Yeah, of course. She deserves it."

"Pero mama, hindi mo nasabi na may masasaktan. Wala sa usapan natin iyon."

"Wala naman talaga, pero hindi natin hawak ang mangyayari. Aksidente iyon, hija. She chose to go back to save her son."

"Save her son? Nasunog si Rosa dahil sa pagliligtas sa anak niya?" Nanghina ang mga tuhod ko.

Hindi ito kasama sa plano. Galit ako sa kanila at gusto kong mawala ang lahat nang mayroon sila,