Chapter 98

"Nakuha na namin ang bala," sabi ng doktor pagkalabas nito sa operating room. "Ililipat na namin siya sa silid."

Walang pa ring malay si Raheel nang ilabas siya sa operating room. Binuhat ko si TJ at sumunod sa mga nars na nagtutulak sa stretcher patungo sa silid na lilipatan kay Raheel.

"Malalim ang sugat niya. Kailangan niyang magpahinga ng ilang araw, Ma'am, bago namin siya i-discharge," sabi ng doktor.

Tumango-tango lang ako sa mga sinasabi ng doktor. Hindi ko maalis ang paningin ko kay Raheel. Kahit papaano ay nabawasan ang kabang nararamdaman ko kanina nang bigla siyang nawalan ng malay.

"Mommy, is Daddy okay?" tanong ni TJ at hinawakan ang kamay ni Raheel.

"Yeah. He's fine. Nakuha na rin ang bala sa hita niya. All he needs to do is to rest."

Bumaba ang paningin ko sa daliri ni Raheel nang napansing suot niya pa rin ang wedding ring namin pati ang singsing na ibinalik ko sa kaniya noon. Napasinghap ako nang naalala ang mga sinabi niya sa akin bago ako inoperahan. Sinisisi