Chapter 74

Nagising ako nang maramdaman ko ang malamig na kamay na humawak sa aking pisngi. Nagmulat ako ng mga mata at nakita ko si Knight.

"Nananaginip ka," wika niya at hinawakan ang noo ko. "Nilalagnat ka, Anabelle," dagdag niya.

Nasapo ko ang noo ko nang napagtantong panaginip lang pala ang lahat. Akala ko ay totoong nandito si Raheel. Umahon ako sa kama at uminom ng tubig.

"Anong oras ka dumating?" tanong ko at umupo sa swivel chair.

"Kararating ko lang. Pumasok agad ako sa kwarto mo kasi narinig kitang sumisigaw," sagot niya kaya napatitig ako sa kaniya.

"Sumisigaw? Ano naman ang sinisigaw ko? Bakit hindi man lang ako nagising?"

"You're calling his name," sagot niya sa mababang boses.

My jaw dropped. Kinagat ko ang pang-ibabang labi ko. "Bakit ko naman gagawin 'yon, Knight? Naka-move on na ako sa kaniya. Imposibleng pangalan niya ang bibigkasin ko," hindi makapaniwalang sabi ko at tumawa.

"I'm not lying, Anabelle. I heard you. And your son heard it, too." Umupo si Knight sa kama a