Chapter 150

Tahimik naming tinahak ang daan pabalik sa condo. Maayos naman kaming nagpaalam sa mga kaibigan at pamilya ni Rain, na uuwi na kami kasi may pasok pa ako sa trabaho kinabukasan. Noong una, labag din sa loob nila ang pag-uwi ni Theo. Hindi naman ako ganoon kamanhid upang hindi mapansing ayaw ng pamilya ni Rain sa akin. Pinipilit pa rin nilang manatili si Theo kahit gusto na nitong sumamang umuwi sa akin.

"Stay away from him, Kai," bilin ni Theo pagkapasok namin sa condo.

Umupo ako sa couch habang hinuhubad ang suot kong heels. "He's kind. Nagpapasalamat nga ako sa kaniya kasi hindi ako nainip doon sa kahihintay sa 'yo."

"He's not kind. Nakita mo naman siguro kanina kung paano siya umakto."

"That's normal. Nakainom ang tao, Theo."

"Makinig ka na lang sa akin, Kai. Ako ang mas nakakakilala sa kanila."

"Okay," tipid kong sagot at tumayo upang pumasok na sana sa kwarto ko, pero bigla niyang hinawakan ang braso ko.

"Huwag kang makikipagkaibigan o makikipag-usap ng mga taong ngayon mo