Chapter 147

Unang araw ko pa lang sa trabaho, pero muntik na akong mapagalitan ng manager kasi anong oras na akong dumating. Hindi ako late, pero ako ang huling dumating.

Nakakamangha ang mga kasamahan ko sa trabaho kasi ang aga-aga nilang dumating. Alas otso ng umaga pa magbubukas ang resto, pero alas sais pa lang ng umaga ay nasa store na sila. Habang ako na malapit lang sa store, muntikan pang ma-late kasi anong oras na akong gumising. Kung hindi tumawag si Theo, baka late na ako ngayon sa unang araw ng trabaho ko.

Abala ako sa pagliligpit ng mga pinagkainan ng customer nang marinig ko ang tilian ng aking mga kasama sa trabaho. Napaangat ako ng tingin sa kanila at tiningnan kung sino ang dumating. Namilog ang mga mata ko nang makita ko si Theo na pumasok ng store kasama ang maputing babae. Nahuli ko siyang nakatingin sa akin, kaya mabilis akong yumuko, at ipinagpatuloy ang ginagawa ko.

"Good afternoon, Sir, Maam! What's your order?" rinig kong tanong ng kasama ko sa trabaho roon sa table