Chapter 6

Jade POV

Madaling araw pa lang ay umalis na ako. Malayo ang paaralan ko sa Hacienda. Kahit na may bahay kami sa lungsod ay di ako doon tumira. Dahil mamimiss ko ang mga tao sa Hacienda.

Pero dahil kay Matias ay napilitan akong lumipat. Dahil pag nandoon ako at nakikita ko siya ay baka mas lalo akong masaktan. Alam kong matutuwa sina Mark, Clyde, Claude, at Maribel. Mas lalong matutuwa si Cathleya. Dahil malapit na ako sa kanila.

Maliwag na nang dumating kami sa bahay namin sa isang subdivision. Hindi naman gaanong malaki ang bahay namin dito. Kumpara sa aming Hacienda. Bukas ay pasukan na kaya magkikita din kaming anim.

Open ko ang social media ko at nag chat sa GC naming magkakaibigan.

Me:

Nasa lungsod ako ngayon, dito na ako titira, hanggang natapos ako sa pag-aaral, gala tayo mamaya.

I press send.

Hind nagtagal ay nag reply naman sila.

Clyde Basmayor:

Oh God, totoo ba?

Me:

Yes.

Mark Ardiente:

Punta kami dyan mamaya. Gala tayo.

Pinatay ko na ang cellphone ko. Alam naman nila kung saan ang subdivision, kung saan nakatayo ang bahay namin. Dahil maaga pa at inaatok ako ay natulog muna ako.

Isang katok ang nagpagising sa akin. Tinignan ko ang orasan. 8 na pala at wala pa akong almusal. Kaya bumangon ako at pinagbuksan ang pinto.

"Senyorita, nasa baba po ang mga kaibigan mo."

"Naghanda na ba kayo ng almusal?" tanong ko sa katulong namin. Hindi ako palautos sa mga katulong namin.

Baka kasi di pa nag-aalmusal ang mga kaibigan ko.

"Opo,"

"Sige, susunod na ako."

Umalis na ang katulong. Pumasok ako sa kwarto ko at naligo. Nagbihis na din ako. Pagkatapos ay bumaba na. Nasa hagdanan ako ng makita ako ni Mark.

Ngumiti ito. Nasa gawi ko naman ang mga mata ng iba ko pang kaibigan.

"Akala ko ba di ka aalis sa Hacienda Catalina?" tanong ni Claudia.

"Napag-isipan ko din, malayo ang byahe. Baka mapagod ang driver namin." 'What a leam excuses.'

Napatingin ako kay Mark. Alam kaya ni Mark ang totoo kong dahilan kung bakit ako lumipat ng bahay.

"Gala tayo?"

"Oo, kain muna tayo ng almusal."

Pumasok na kami sa dining area namin. Nakahanda na ang mga pagkain.

"Hmm. . . Ang sasarap talaga ng luto ni Nanay Luming." Napangiti na lang ako.

Kasama ko kasi si Nanay Luming sa paglipat ko ng bahay. Dahil iyon ang gusto ng magulang ko. Alam kasi ng magulang ko na wala akong alam sa gawaing bahay.

Nang matapos kaming kumain ay naghanda na kaming gumala. Malapit lang naman ang mall dito. Lumabas na kami at pumasok sa kotse namin. Isang kotse lang ang gagamitin namin at iniwan na namin ang kotse ni Mark sa siyang sinakyan nilang apat.

Si Mark ang nagmaneho. May licence na kasi si Mark. Ako ay kukuha pa lang.

"Jade, bakit di kaya sagutin mo si Mark. Para maging kayo na."

Halos masamid ako sa sarili kong laway. Habang si Mark naman ay parang gustong ibangga ang kotse ko.

"Bakit nyo naman naisip iyon."

"Bagay naman kayong dalawa."

"Alam nyo, hindi kami talo nitong si Mark."

Ayaw kong lumagpas sa pagkakaibigan ang namamagitan sa aming dalawa ni Mark. Dahil si Mark lang ang maaari kong lapitan. Bukod sa tatlo.

"Sus, alam naman namin na may gusto iyang si Mark sa iyo," ani ni Clyde.

Tumahimik na lang ako. Alam ko naman iyon. Alam ko na may gusto sa akin ang bestfriend ko.

Nakarating kami sa mall na walang imikan. Ayaw ko na ding buksan ang paksang iyon. Gusto ko ay kaibigan lang kami ni Mark. Ayaw kong lumagpas pa iyon sa pagkakaibigan.

Pumasok na kami ng maparada ng maayos ni Mark ang kotse. Gaya ng nakagawian ni Mark ay umakbay ito sa akin. Habang si Claudia at Maribel ay nakahawak sa magkabilang braso ni Clyde. Parang babaero kung tignan si Clyde. Kahit alam naman namin na bakla talaga ang loko.

Kitang-kita ko kung ano ang nangyayari. Dahil nasa hulihan kamin. Nakakatuwa lang ang tatlong nasa unahan namin. Dahil kung saan gusto ng dalawang babae ay nahihila ang nasa gitna. Kawawang Clyde. Kaya ang ending ay bumalik ang dalawang babae, dahil hindi nila mahila ang bakla.

"Tumigil nga kayo!" sigaw ng bakla. "Nasisira ang beauty ko sa inyo. Ano ako tag of war? Sabay ninyong hihilahin!" galit nitong ani.

Kaya natawa na lang kami ni Mark sa tatlo.

"Si Claudia kasi, gusto ko doon," ani Maribel.

"Kasi gusto ko din doon." Turo naman ni Claudia.

"Hep!" sigaw ni Clyde. "Kayong dalawa. Kung saan ninyo gustong pumunta. Hala, go. Pero iwan ninyo ako dito!"

Nalahagikhik na lang ako ng makita ang dalawang babae na para bang pinagbagsakan ng langit at lupa. Kaya ang ending ay hindi na nagpahawak si Clyde sa dalawa. Kaya ang dalawang babae, kung saan nila gustong pumunta ay hindi na nila mahihila si Clyde.

"Hindi ka pa nagugutom? Ilang oras na din na nag-iikot tayo dito."

"Kain muna tayo."

Dahil gusto namin ng Jollibee ay sa Jollibee kami kumain. Si Mark na ang nag-order, habang kaming apat ay nasa mesa na. Naghihintay na lang sa order ni Mark.

Masaya kaming kumain, nang matapos ay gumala pa kami. Nang makaramdam na kami ng pagod ay naisipan na naming umuwi. Dahil bukas ay maaga kaming papasok.

Nasa kama na ako nang biglang sumagi sa isipan ko si Matias.

'Ano kaya ang ginagawa niya sa Hacienda? Nagkikita pa rin kaya sila ni Nadia?'

Umiling ako. Kaya ipinikit ko na ang aking mga mata at natulog.

Kinabukasan, ay maaga akong magising. Dahil, maaga ang pasok ko ngayon. Naligo agad ako at nagsuot ng uniform ko. Bumaba na ako nang matapos ako at kumain na din.

"Matias, kumain ka muna."

Nanigas ako, dahil sa narinig kong pangalan. Alam kong maraming Matias ang buong mundo at hindi lang siya. Kaya impossible na nandito siya ngayon.

"Mamaya na lang siguro, Nay Luming."

Napalingon ako sa nagsalita. Bumilis ang tibok ng puso ko. Dahil nandito si Matias. Hindi ko akalain na nandito siya.

"Kumain ka na, Jade. Upang makaalis na kayo ni Matias."

"Nay, nasaan si Tatay Karding?" tukoy ko sa asawa nito.

"Pinabalik ng mama mo. Dahil kailangan daw nila ng driver doon. Alam mo naman na si Karding lang ang maaasahan nila. Kaya si Matias nag presinta na siya na muna ang magiging driver mo."

"Baka di marunong magmaneho iyan. Ayaw kong mawala sa mundo." Maldita kong saad.

Pinarinig ko talaga iyon sa kanya. Dahil gusto kong pagtakpan ang totoo kung nararamdaman.

"Marunong magmaneho si Matias. Siya ang nagdala ng isang kotse ninyo dito."

"Okay."

Tumahimik na lang ako. Dahil baka saan pa mapunta ang usapan namin ni Nanay Luming. Kinuha ko ang bag ko. Nabigla ako ng inagaw ito ni Matias sa akin. Hindi na ako tumutol. Sumunod na lang ako sa kanya.

Bago ako makapasok sa kotse ay hinawakan ni Matias ang braso ko.

"Bakit ka umalis?"

"Medyo malayo ang Hacienda sa paaralan ko. Dito, malapit lang."

"Tungkol na naman ba ito kay Nadia? Nagseselos ka ba?" tanong nito.

"Hindi ako nagseselos."

Umiwas ako ng tingin. Dahil hindi ko kayang salubungin ang mga mata nito. Unti-unti itong lumapit sa akin.

Matangkad ako, pero mas matangkad talaga si Matias. Bago pa man makalapit ng tuluyan si Matias sa akin ay binuksan ko na ang backseat at pumasok doon.