Chapter Six

Kahit gusto ko pang matulog ay napilitan na akong bumangon dahil naalala kong walang magluluto ng umagahan kay Devin.

Hindi ko inakalang darating ang araw na ipagluluto ko siya. Kahit nga noong ikinasal kami sa papel, never kong inisip na gagawin ko ang karaniwang ginagawa ng isang babaeng may asawa na.

Habang nagsisipilyo ay iniisip ko kong ano ang lulutuin ko. Nilagang itlog lang ang alam kong lutuin. Alam ko namang magprito noon, kaso, puro pasa ang inaabot ko. Kaya naman sa pangatlong beses na natalsikan ako ng mantika ay itinigil ko na ang pagpiprito at nagta tiyaga na lang kami ni Portia sa nilagang itlog sa umaga. O kaya naman nagnoodles na lang kami dahil madali rin lang iyong lutuin.

Alangan namang nilagang itlog ang ipapakain ko kay Devin? Nakakahiya. Sigurado akong sanay iyon sa masasarap na pagkain.

Nang matapos akong magsipilyo at maghilamos ay lumabas na ako sa banyo. Natutulog pa si Portia dahil alas-otso pa lang ng umaga. Mga alas-dose pa iyan magigising at ganoon d