Chapter Seven

Magkatabi kami ni Portia habang nasa tapat naman namin nakaupo si Devin, Dino at Drigo. Wala kaming imikan habang kumakain. Hindi ko rin naman sinubukang magsalita dahil wala naman akong alam na sasabihin.

I was busy eating my roasted tomato grilled cheese when I heard Dino and Drigo cough repeatedly. Mukhang nabulunan pa yata ang dalawa.

Nang tignan ko sila ay hindi na maipinta ang mga mukha nila. Parang may nakain silang mapait dahil lukot na lukot ang kanilang mga mukha. Nang sulyapan ko kong ano ang nasa pinggan nila ay nakita kong ang waffles ang kasalukuyan nilang kinakain. Hindi ba masarap ang pagkakagawa ko? Bakit kulang na lang isuka nila ang kanilang mga kinakain?

Tinignan ko si Devin na katabi ni Dino dahil waffles din ang nakita kong kinuha niya kanina. Ngumunguya siya pero bakit nahihirapan siyang lunukin ang kinakain niya? Kinuha nito ang kapeng tinimpla ko at ininom pero akmang ibubuga niya ito nang mapasulyap siya saakin. Mabilis pa sa alas-kwatro na agad niya itong