Kabanata 107 Confrontation

**Gabrielle's Point of View**

Nakatitig ako sa telepono, habang pilit na iniisip kung paano ko haharapin ang mga nangyayari. Nagsimula ang araw ko nang normal, ngunit bigla itong nabahiran ng kaba nang tumawag ang driver ni Kimberly.

“Sir, wala po si Kimberly sa school,” sabi ng driver, halatang kabado. “Hindi siya lumabas sa gate tulad ng dati. Naghanap na po ako sa paligid, pero wala po talaga siya.”

Agad akong natigilan, parang may malamig na tubig na dumaloy sa buong katawan ko. Paanong nangyari ito? Sigurado akong nasa school siya kaninang umaga. Ano'ng ibig sabihin na wala siya roon? Tumindi ang takot at kaba sa dibdib ko habang tinatawagan ko ang eskwelahan, ang bawat ring ng telepono ay nagdadala ng matinding pagkabahala. Ilang sandali pa ay may nakuha akong tawag. Agad kong sinagot umaasang si Kimberly ito.

"Gabrielle?" Narinig ko ang boses ni Eumerriah sa kabilang linya, at may halong pagkagulat at pag-aalala ito. "Si Kimberly... nasa akin siya ngayon. May nangyari kanina sa