Kabanata 0030 Sanchez family

Gabrielle's Point of View

"Wala na tayong pakialam kung anong mangyari sa kaniya sa kamay ng kuya mo. Ang gusto ng Daddy niyo maikasal si Jerome sa kaniya sa lalong madaling panahon." Nalaglag ang balabal ni Mommy habang pinapaliwanag niya sa akin ang bagay na iyon. Nakita ko ang pasa sa braso niya. Sinubukan pa niya itong takpan para hindi ko mapansin. "Saan galing yan?"

"Ang aling ba? Sundin mo ang sinabi ko. Humarap ka sa magulang niya at humingi ng paumanhin. Pag nakita na si Yumi, ipapakasa-" Hindi na natapos ni Mom ang sasabihin niya ng hinatak ko ang kamay niya palapit sa akin. Sinubukan na niyang lumabas ng kwarto habang nagsasalita.

"Sinasaktan ka pa din ni Dad? Akala ko ba tumigil na siya? Akala ko ba nagbago na siya?!" Nanggigil na ako sa galit pero tanging pag-iwas lang ng mata ang ginawa ni Mommy.

"Hindi mo sasabihin? Kailangan ko bang sugurin doon si Dad para lang sabihin mo sa akin ang totoo? Akala ko ba maayos kayo dito?!" Isang sampal ang bumagsak sa mukha ko. Nang