Kabanata 0014 A glimpse

Gabrielle’s Point of View

“Anong hindi tipo kung alam mo lang- kuya ano ba? Oo na hindi ko na sasabihin.” Tinatakpan ko kasi ang bibig ni Kate, walang humpay sa kakachismis ng alam niya. Tiningnan ko si Yumi ngunit tumatawa lang siya. Mabuti na lang hindi niya agad naunawaan kung anong nais sabihin nitong babaeng ito.

“Anong gusto mo? Ikaw Yumi may gusto ka bang kainin?” tanong ko sa kanilang dalawa. Kailangan ko lang talagag suhulan itong si Kate ng pagkain para hindi magkwento ng kung ano-ano. “May favorite fries pero I want plain one!” sagot ni Kate. Kow! Hindi naman niya talaga favorite ‘yon nakigaya lang siya. “Talaga paborito mo din ang French fries na plain? Really?” natutuwang tanong ni Eumerriah sa kaniya. Masaya namang tumango si Kate, nagpapa-cute pa nga ito.

“Ikaw Yumi anong gusto mo?” inip kong tanong.Sa tuwing kasama niya si Kate ay palagay na palagay siya kung makaasta silang dalawa ay parang ang tagal na nilang magkakilala. Na-out of place ako palagi. “Tsk! Sungit!”