CHAPTER 77

BWISIT na nagpalakad-lakad sa maliit na apartment niya si Nathaniel. Kailangang makakuha siya ng pera sa Ate Natalia niya. Dalawang buwan na lamang ang hinihintay niya at manganganak na ang kanyang kinakasama.

Unang baby nila ito kaya excited siya at the same time ay nag-aalala. Umuwi siya ng bahay nila. Nagbabakasakaling may naitatagong pera ang Papang niya. O kaya’y ito ang pakukunin niya ng pera sa Ate niya.

“Tumigil ka nga Nathan. Napalaking pera niyang hinihingi mo!”

“Pang, kailangan ko lang po talaga sa panganganak ni Lydia.”

“Ewan pero wala akong maipapahiram saiyo at pwede ba, huwag mo ng gambalain ang kapatid mo. Masyado ng malaki ang nasakrapisyo ng Ate mo.” Anang Papang niya.

“Sa inyo, pero sa akin, wala. Kung pinag-aral man niya ako ‘nung college, obligasyon naman niya iyon. Kung hindi naman siya nagkasakit nuon, di naman magkakanda-letse-letse ang buhay natin!” Asar na sabi niya sa ama.

Dumi