Chapter 23: Jealously

Balak ko na sanang umuwi pagkatapos naming bisitahin ni Yumi ang boutique namin pero nagulat na lang ako nang pinatigil niya ang sasakyan sa tapat ng isang magarbong mall.

“Dadaan ka pa riyan?” pagtatakang tanong ko habang nakaharap na sa kaniya.

Nginitian niya lang ako habang dahan-dahan na binubuksan ang pinto. “Beh…hindi ba’t magtatrabaho na tayo sa susunod na linggo for that contract project?”

“Uh, oo. Bakit?”

“Well, that’s it!” aniya sabay labas na ng sasakyan kaya sumunod na lang din ako. “Since magwowork na tayo, at iyan na lang palagi ang nakikita kong suot mo, we need to buy some clothes habang wala ka pang mga bagong designs.”

Napa-iling na lang ako kay Yumi dahil hindi naman na ako makakatanggi sa kaniya. “Sige na nga, basta mabilis lang tayo, ha?”

“Yes naman, beh.”

Tuluyan na kaming pumasok sa loob ng mall. Medyo matagal na rin simula noong nalapag-mall ako at medyo nanibago ako ngayon. Hindi pa naman masyad