Chapter 31: Kim’s First Public Exhibit

Nang makapasok ako sa loob ng bahay ay nadatnan kong panay ang lakad ni Yumi sa sala.

"Beh?"

"Ay palaka ka! Beh! Oh my gosh!" Dali-dali itong tumakbo palapit sa akin at niyakap na ako nang mahigpit. "Akala ko nawala ka na, tatawag na sana ako ng pulis para ipahanap ka dahil hindi na kita matawagan!"

Napakamot na lang ako ng ulo ko at inilabas na rin ang cellphone ko. “Hindi kasi ako makatext kanina, e. Tatawagan din sana kita pero wala.”

"Mukhang sira na nga 'yang cellphone mo, beh. Nako na lang talaga at mabuti dahil hinatid ka ng dati mong asawa, kung hindi ay baka binalatan na ako ng buhay ni Miguel pag-uwi niya."

"Grabe naman 'to sa binalatan," sambit ko pa sa kaniya sabay ngiti. “Tara na, kumain na tayo at kanina pa ako nagugutom.”

Naglakad na rin kaming dalawa ni Yumi papuntang kusina para kumain. Nakapaghanda na rin sina Manang Andeng ng pochero for dinner pati na rin pork chop.

Naka-upo na ako sa mesa habang t