Chapter 7

“S-Sir—” nauutal na usal niya subalit hindi man lang niya mabanggit ang pangalan ng lalaki. Animo may napakalaking bikig sa lalamun niya at hindi makalabas ang kanyang boses. Parang natuka siya ng ahas sa pagkaputla habang hindi alam kung ano ang ikikilos sa harapan ng binata.

Nanginig din ang kamay niyang nakahawak sa pinto. Gulat na gulat talaga siya sa biglang pagsulpot ng lalaki sa bahay niya. Hindi niya inakalang kaya nitong tumapak sa magulong eskinita papunta rito. At lalo pa siyang naguguluhan kung bakit ito at nakatayo ito sa harap niya.

Hindi niya mahulaan kung ano ang sadya nito sa kanya. Kahit pa kalkalin niya ang lahat ng bulsa sa utak niya ay wala siyang mahanap na sagot. Ang tanging tumatakbo lamang sa isip niya ay, ‘bakit ito nandito?’ at ‘kung ano ang ginagawa nito sa apartment niya.’

Napalunok siya at palihim na kinurot ang kanyang sarili. Saka lihim na ngumiwi at d*****g nang masaktan siya.

“Alina Lopez, I came here to negotiate with you about something,” buo ang boses na sabi nito.

“A-Anong negotiate ang tinutukoy mo?”

“Won't you ask me to come in first?”

Kahit na normal ang pagkakasabi nito ay na-intimidate pa rin siya dahil sa malakas na awrang nagmumula rito. Parang hindi iyon pahayag kundi nang-dedemand ito. Nanlambot tuloy ang tuhod niya at agad na nilakihan ang pagkakabukas ng pinto. Natanaw pa niya ang lalaki kaninang umaga na nasa labas din at napasulyap sa kanya.

So, tama pala ang nasa isip niya kanina na si Eros ang tinutukoy na Master nito? Kung sinagot lang sana siya nito noong tinanong niya ay hindi siya mababaliw kakaisip sa bagay na ito.

“M-Maupo ka,” atubling sabi niya. Napansin niya na inilibot ni Eros ang paningin nito sa munting tahanan niya. Nanliit agad siya sa sarili sa ginawa nito. Lahat ng mga kagamitan niya ay puro luma na. Katulad ng lamang TV niya na maliit. Hindi iyong flat screen na mamahalin. Ang mga upuan niya na gawa sa kahoy at kahit man lang kutson ay wala.

Hindi bumagay ang outfit ng binata na naghuhumiyaw ng karangyaan habang nakatayo sa gitna ng maliit niyang sala.

Nang maupo ito ay kumibot ang mga labi niya dahil hindi nakaligtas sa mga mata niya ang bahagyang pagsalubong ng kilay nito. Sandali lamang iyon ngunit sapat na para makita niya.

“I-Ikukuha lang kita ng—”

“Don't bother,” agap nito at nagmuwestra na maupo siya. Sa mga kilos nito ay parang ito pa ang nagmamay-ari ng bahay.

Nag-aalangan na tumango siya at naupo. Hindi pa man umiinit ang upuan ay muntik siyang malaglag sa upuan sa biglang anunsyo nito.

“I want you to become my exclusive escort,” puno ng authority na sabi nito.

“S-Sir?” nanlalaki ang matang bulalas niya. Lahat yata ng nerves ng katawan niya ay nagising dahil sa sinabi nito.

“Hindi ako ang klase ng tao na inuulit ang mga sinabi ko,” he said icily.

Hindi niya alam kung saan siya kumuha ng lakas ng loob at marahas siyang tumayo. Nanginginig ang kalamnan niya dahil sa pinipigilang galit. Hindi dahil nakipag siping siya rito ng isang beses ay pwede na siya nitong utusan kung gusto nito.

“Hindi po ako bayarang babae!” madiing sabi niya.

Umarko ang kilay nito kaya natameme siya. Hindi nga ba? Hindi ba at ang lalaking nasa harapan niya ngayon ang unang naging kliyente niya?

“A-Ang ibig kong sabihin ay hindi ko na uulitin ang ginawa ko,” bawi niya at kinagat ang labi. Naupo rin siya dahil parang dinidiin siya ng malamig na tingin nito sa kanyang kinatatayuan.

Matiim siya nitong pinagmasdan kaya pinagpawisan siya ng malapot. Pakiramdam pa nga niya ay basa na ang damit niya lalo na sa likod.

May inilapag itong maliit na itim na bagay sa mesa. Sa una ay nakatingin lamang siya roon. Pero nang matanto kung ano iyon ay dumagundong ang dibdib niya. Namutla siya at napatingin sa binata na pinapanood ang reaksyon niya.

“Kung papayag ka na maging exclusive escort ko ay ibibigay ko sa'yo ang copy ng video,” anito habang nakatingin sa USB.

Pakiramdam niya ay sumabog ang mundo niya at nawalan siya sa tamang pag-iisip. Anong video ang tinutukoy nito? Iyong s*x video ba nila? Bakit hindi man lang niya napansin na nare-record na pala ang ginagawa nila?

Nanikip ang dibdib niya at pakiramdam niya ay hindi siya makahinga. Ano na lamang ang mangyayari sa future niya kung kumalat ito? May tatanggap pa ba sa kanya sa trabaho?

“Relax,” ani Eros at kinatok ang lamesa.

Ngunit paano ba siya magre-relax kung nasa harapan na niya ang sisira sa mga pangarap niya?

May namuong luha sa kanyang mata at pigil ang paghikbi na tinignan niya ito.

“A-Anong kailangan mo? G-Gagawin ko lahat para—” Lumunok muna siya at kumuyom ang kanyang kamao. Inignora niya ang pagkirot ng kamay niya nang bumaon ang kanyang kuko sa balat niya.

“I already told you earlier what you have to do. Be my escort and this thing will be yours,” kalmado man ang boses nito pero makapangyarihan ang dating ‘nun sa pandinig niya.

Kahit na tumututol ang kalooban niya ay naghuhumiyaw naman sa utak niya ang kagustuhan na protektahan ang kanyang dignidad. Hindi niya maalis ang tingin niya sa USB sa mesa. Gusto na niyang kunin iyon ay sirain o kaya ay itago sa baul.

“S-Sige, p-pumapayag ako,” mahina at pikit matang pagpayag niya. Gagawin niya ito upang makaiwas sa mga bagay na sisira sa kanya. Hindi ba at karangalan na para sa kanya na isang pipitsuging babae na nakatira lamang sa iskwater para maging escort ng Eros Ramazzotti? Kalat na sa buong mundo kung gaano karami ang mga babaeng gustong umakyat sa kama nito.

Pero kahit na pilit niya itong itanim sa utak ay gusto pa rin niyang bawiin ang sinabi niya.

“Here.” Itinulak nito ang USB sa mesa, malapit sa gawi niya.

Mabilis pa sa hangin na kinuha niya iyon at mahigpit na hinawakan. Ngayong napasakamay niya ang bagay na ito ay wala na talagang atrasan ang pagpayag niya. Kailangan niyang pagsilbihan ito kung kailan nito gusto. Pero kung ito ang original na video ay pwede pa siguro niya itong takbuhan, ‘di ba?

Malaki pa naman ang perang natira sa pinambayad nito sa kanya nang gabing yaon.

“I have a copy,” bigla ay turan nito na parang nababasa ang nasa utak niya.

Agad lumubog ang bangkang kinalululanan niya nang sabihin nito iyon. Huh! Ano pa ba ang aasahan niya sa isang katulad ni Eros? Hindi nito naabot ang pedestal na kinatutuntungan nito kung hindi ito tuso at magaling. Hindi ito tanga para ibigay sa kanya ang video na ito nang hindi nagtitira ng isang kopya para sa sarili nito.

“K-Kung ganun ay kailan ako magsisimula?” tanong niya. Hindi niya magawang salubungin ang mata nito dahil kinakain siya ng hiya at kaba.

“Now,” tipid na tugon ni Eros. Niluwagan nito ang suot na necktie habang hindi inaalis ang tingin sa kanya. “Go and wash up first then susunod ako pagkatapos mo.”

Animo walang lakas ang tuhod na tumayo siya. Pilit lamang niyang pinapatatag ang sarili. Lalo pa nang maramdaman niya ang nakasunod na tingin ng binata ay gusto niyang kumaripas ng takbo.

Kung hindi siguro siya pumayag sa alok ni Bree ay hindi mangyayari ito.

God!

Ano ba itong pinasok niya?