Chapter 73- The wife of my grandson

Kinagabihan, halos manginig na ang binti ni Analia dahil sa gutom.

Nang tawagin siya ni Luisa, halos hindi na niya maigalaw ang paa niya. “T-Tita,” maririnig sa boses niya ang pagmamakaawa.

“1 bread only,” mariing sabi ni Luisa at agad na tumalima ang isang katulong para bigyan ng isang slice ng tinapay si Analia.

Nakagat ni Analia ang pang ibabang labi niya. Hindi mapapawi ng isang tinapay ang pagkagutom niya. She wanted more.

“Kung titigan mo lang yan at hindi kakainin then mabuti pang itapon na lang yan.”

Agad niyang kinuha ang tinapay sa takot na itapon ito. ‘Ang sama sama niyo!’ Halos gusto niyang isigaw.

Matapos niyang kumain, agad na siyang inalalayan ng mga katulong para pasuotin ng damit.

Nakita niya ang isang silver cocktail dress. Alam niya na agad na hindi kakasya sa kaniya ang dress. Masiyadong maliit ang bewang nito sa kaniya.

“Hindi kakasya sa akin ang bewang,” sabi niya.

“Pilitin mong ikasya yan.” Sabi ni Luisa at agad na sinensayan ang mga maid na isukat na ang dress.