Chapter 20- Shamcey, ang third wheel

Nang matapos sila maglampungan, saka pa lang naalala ni Mithi na may kaibigan pala siyang kasama.

Ngumiti si Shamcey, halatang may kakaiba sa ngiti niya. Nginiting nagpapahiwatig kay Mithi na makukurot siya nito mamaya sa singit.

“Ah, Kal—this is my friend, Shamcey.”

Agad nakipagkamay si Kallahan kay Shamcey. “Nice to meet you, Shamcey.”

“Ah eh, hello Kal.”

“It’s Kallahan,” pagtatama ni Kallahan sa kaniya. He doesn't want anyone else to call him Kal other than his wife.

Tumingin si Shamcey kay Mithi, sa mata nito ay may pinapahiwatig na kakaiba. Tumikhim si Mithi at humawak sa kamay ni Kallahan.

Ngayon lang niya napagtanto na umiyak pala siya sa harapan ni Kallahan. Ngayon lang siya tinablan ng hiya.

“Asawa ko pala, Shams.”

“Oh.” Namilog ang labi ni Shamcey at ngumiti. “Si husband pala ang dahilan kung bakit wala ka sa mood no’ng mga nakaraang araw.”

Tumingin si Kallahan kay Mithi na pinandidilatan ng mata ngayon si Shamcey.

"Sus, ito naman. Nahiya ka pa talaga."