Chapter 181- Ang hatol ni Mithi

“Saan ka galing?” tanong ni Mithi kay Kallahan pagkauwi nito kasama ni Alfred. Gabi na at wala na rin ng kahit na anong bakas ng dugo ang makikita sa katawan niya.

Tulog na ang lahat ng mga bata maliban kay Mithi na hinihintay si Kallahan sa labas ng bahay. Agad na lumuhod si Kallahan sa harapan niya at nagsimulang umiyak.

“W-Wife… p-patawad…”

Tumingin si Mithi kay Alfred na naaawang nakatingin kay Kallahan.

Nakagat ni Mithi ang labi niya habang ang mata ay lumuluha sa labis na sakit na nararamdaman niya. Naiintindihan niya si Kallahan kung bakit ganoon ang trato nito kay Mayumi pero hindi niya kayang balewalain ang paghihirap ng anak niya.

Takot na takot si Mayumi… Iniisip nito na hindi siya kamahal-mahal.

At nasasaktan siya ng husto dahil doon. Hind niya kayang ipagsawalang bahala ang lahat ng pasakit na naranasan ng anak niya.

“Patawarin mo ko… Nagkamali ako..”

Gayunpaman, hindi rin niya kayang balewalain si Kallahan. Alam niya kung gaano katindi ang sakit na dinaramdam nito.

Na an