Chapter 21 - Azalea

Chance

Halos isang linggo nang sira ang lock ng pintuan ko. Mabuti na lang at wala namang nananakaw sa mga gamit ko. Hindi ko na rin nga naaalala kung minsan dahil medyo nasasanay na ‘ko sa presensya ni Hue at komportable ako sa bahay niya.

Noong nakaraang araw ay tinanong ko siya kung bakit hindi pa rin naaayos ang pinto ko pero madami siya rason. Busy raw siya at maraming ginagawa kahit pa lagi lang naman siyang nasa tabi ko dahil para akong batang binabantayan niya. Hindi ko rin naman siya makulit dahil malaking tulong na nasa iisang bubong kami. Mas lumala kasi ang pagsusuka at pagkahilo ko na halos hindi na ko nakakapasok sa opisina nitong mga nakaraang araw.

At tuwing hindi ako nakakapasok ay nanatili din sa bahay si Hue. Lagi niyang hawak ang laptop niya na agad niya rin naman binibitawan kapag sa tingin niya ay kailangan ko ng tulong. Mabuti na lang at kahit papaano ay umaayos na ang lagay ng kompanya. Napabuti kasi ang imahe ni Hue dahil