Chapter 167

Mabilis na lumipas ang araw. Tapos na rin ang product testing at bukas na magsisimula ang distribution. Nakahanda na rin ang marketing team for promotion and launching ng 'Lasts Series'—iyan ang napagkasunduang ipangalan sa perfume balm collection sa ilalim ng collaboration ng LMC at Safira. Sabagay, dahil perfume balm nga ang product namin, na isa sa mga claims ay magtatagal ang bango—bagay na bagay ang pangalan.

Hindi ko alam na bukas ay wala na rin akong dahilan para pumunta pa sa lugar na ito. Doon na ako muling mag-o-office sa Safira.

Napabuntong-hininga ako bago nagpatuloy sa paglakad papunta sa meeting room nang makita ko si Miss Lovendino na pumasok sa loob ng opisina ni Ismael. Bumigat ang loob ko. Nitong mga nakalipas na araw, napapansin kong parating binibisita ni Miss Lovendino ang opisina ni Ismael. N