CHAPTER 25

Nais pa sana ni Rena na ipilit pa ang kanyang sarili ngunit nakatingin na sa kanya ngayon ang mga tauhan ni Zack at ang iba pang mga staff ng ospital. Lumapit sa kanya si John.

“Miss Rena, ihahatid na po kita.”

“Hindi ako—”

Mas pinili niya na hindi tapusin ang sasabihin niya dahil nakakaramdam na siya ng inis kay Zack habang nasa bisig nito si Zayn. Kaya naman lumapit siya sa bata para magpaalam bago siya umalis.

“Zayn, kailangan ko ng umalis. Behave ka dito at matulog na.” malumanay na kausap ni Rena sa bata.

“Okay,” tipid na sagot ni Zayn.

Mas lalong nainis si Rena sa kanyang narinig. But she managed to smile na para bang okay lang sa kanya ang tipid na sagot ni Zayn.

“If you need me just call me, okay?” nakangiti pa na sambit niya.

“Hmmm.” tanging sagot nito.

Alam na alam niya na natatakot sa dilim at sa ipis si Zayn. Ngunit wala siyang magawa sa ngayon kundi ang lumabas sa silid ng bata. Nanatili siyang nakatayo sa labas ng pinto at nakasilip sa maliit na siwang. Inoobserbahan