CHAPTER 172.

CASEY

Kinabukasan kakatapos lang ni Casey na maghanda ng almusal ni Zoe. Lumabas siya mula sa kusina at naglakad papunta sa sala para sana tawagin ang anak niya, nang makita niyang papasok si Asher sa malaking pinto, kaya mabilis siyang bumalik sa kusina at sumandal sa dingding para magtago.

May dala-dalang bulaklak, chocolates at pink teddy bear ang lalaki.

Narinig niya ang malakas na boses ni Zoe habang nasa sala ito at naglalaro.

"Hello Mr. Stranger!" malakas na sigaw ng anak niya.

Sumilip siya mula sa pinagtataguan at pinagmasdan ang mag-ama. At nakita niya kung paano natigilan ang lalaki dahil sa tawag dito ng kanilang anak.

"Mr. Stranger?" dinig niyang sambit ni Asher at yumuko ito para magpantay sa anak.

Patuloy lang niya na pinapanood ang mga ito at pinapakinggan.

"Ang pogi niyo po talaga daddy. Kilala ko na po kayo. Ang sabi ni mommy kanina paggising ko. Ang Mr. Stranger daw na kausap ko kahapon at ang real daddy ko ay iisa," sambit ng anak niya na nasa tono a