CHAPTER 178.

THIRD PERSON

"Bye, love, babalik ako mamayang gabi," bulong ni Asher sa tainga at humalik sa pisngi niya.

Para namang kinikiliti ang puso niya sa narinig.

"Excited yarn," singit ng pakialamera niyang utak

"Sige, ingat ka," sambit niya na kusang lumabas sa bibig niya.

Walang magawa si Casey kundi nagbabad na lang siya sa pool ngayon at nag relax. Wala siyang kasama na bulinggit dahil pagkaalis kanina ni Asher ay siya namang pagdating ng mommy nito. Hiniram ni Tita Mara niya si Zoe at pinasama na niya si Yaya Beth sa anak. Para naman hindi mahirapan ang lola nito kay Zoe. Ang mommy naman niya ay umalis din kanina at nagtungo sa cafe nito. Ang kambal naman na sina Vayden at Vaden ay nasa school pa at nag-aaral.

Nang mapagod sa paliligo sa pool ay umakyat na si Casey sa room niya. Ang lungkot naman at parang hindi siya sanay na wala sa tabi niya ang anak. Pero hindi naman niya pwedeng ipagdamot si Zoe sa pamilya ni Asher. Lalo pa at kita niya ang sobrang pagkahumaling ng mga i