TUG OF WAR

Sinundan ko si Logan sa labas at inabutan ko siyang nagsisindi ng sigarilyo sa tabi ng motor niya.

Pero bago pa ako makapagsalita, sumagitsit at pumarada ang kotse ni Dark malapit kay Logan at galit na bumaba ng sasakyan.

Dahil ayoko ng eskandalo, nilapitan ko na lang si Logan para sana magpaalam.

Masakit sa akin na nakikita siyang nasasaktan pero wala akong magagawa.

Priority ko ngayon ang unahin si Dark sa dahilang hindi ko rin lubos na maipaliwanag.

At sa tingin ko, hindi gumagana ang matino kong kaisipan basta nasa paligid na ang lalaking yon.

Para itong malaking trigger na apektado ako kahit hindi dapat.

Kung sabay silang magwawala ni Logan, si Dark ang aawatin ko.

"Sorry, Logan. Tatawag ako, mamaya."

Alam kong marami siyang gustong sabihin akin. Umangat ang kamay niya para pigilan sana ako, pero ako na ang lumihis at umiwas sa kanya.

Naiwan si Logan na hinihilot ang batok at nagmumura habang sinisipa ang motor niya.

Kahit galit, inaalalayan ako ni Dark nang