TRIGGERS and TRAUMA

SA tingin ko, dapat kong hangaan kung gaano kabangis ang tindi ng pagkagusto ni Dark sa akin habang binabalanse niyang pangatawanan na hindi siya gagawa ng bagay na labag sa loob ko.

At nanalo na naman ang pagiging negosyante niya.

"M-May mga damit na sa kuwartong yon, ipinahanda ko yon para sa yo." Itinuro niya ang direksyon ng silid habang dinudukot ng isa pa niyang kamay ang keychain na may ilang piraso ng susi na nakasabit at masayang nag untugan ang maliliit na metals niyon.

Iniabot niya yon sa akin at tinanggap ko naman.

"Salamat." Tahimik kong tugon.

"Huwag kang magtatagal," binatak niya uli ang tie niya na halos mangalahati na sa tapat ng kanyang dibdib, nasisilip ko kung paano naggagalawan ang mga muscles niya na mas nagpapabilis sa pulso ko. "Kukunin ko lang ang kontrata at aalis na agad tayo."

May ilang segundo na nagtalo ang isip ko kung dadalhin ko ang bag at phone ko o iiwanan ko na lang sa ibabaw ng malaking center table na salamin, at nanalo sa isip ko ang huli.

Magk