18

_ELVIS_

Hindi agad ako nakaimik sa diretsang tanong ni Lindsay. Siguro napansin niya na lumalayo ako kapag nariyan sila ni Kennedy. Mapait akong ngumiti at umiwas ng tingin. Hindi ko alam kung paano ko sasagutin ang tanong niya, dahil hindi ko rin alam kung bakit lumalayo ako sa kanila. Okay naman kami ni Rowan, at mukhang wala namang sila ni Lindsay. Baka nga nag-o-overthink lang ako nung makita kong hinalikan ni Lindsay sa pisngi si Rowan. Dahil sa mga nangyayari, hindi ko na rin nagawa pa na tanungin si Rowan tungkol kay Lindsay.

"H-hindi naman," matipid kong sagot sa mahinang boses.

"Pero bakit ka lumalayo kapag lumalapit kami?"

"Ayaw ko kasi ng gulo," tugon ko.

"Pero, we can protect you. No one can harm you when we're around."

"Hindi ko naman kailangan ng proteksyon n'yo. I can protect myself," saad ko.

"Talaga? Pero bakit mo hinahayaan na insultuhin ka lang ng mga tao sa paligid mo?" pagalit niyang tanong.

Bumuntong-hininga ako at hindi alam kung ano ang sasabihi