2. TLBAHM

READ AT YOUR OWN RISK!!!

ANG STORY NA ITO AY SUPER SPG!!! KUNG MASELAN KA AY HUWAG MO NANG ITULOY ANG PAGBABASA!!!

(This story is TRAPPED SERIES#2)

RED FLAG ANG MALE LEAD! Kung hindi mo gusto ang ganitong klase ng story ngayon palang ay tigilan mo na po ang pagbabasa. Pero may characters development naman ang ating bida. Patunay na kayang magbago ng isang tao kapag nagmahal♥️

[Amelia]

MARAMI siyang nakain dahil nilagang baka ang ulam nila. Nakainom din siya ng softdrink dahil ang dami no'n dito sa kusina. Ayon kay Miss Neil ay pwede niyang kainin at inumin ang lahat ng narito sa kusina, kaya tuwang-tuwa siya, hindi kasi siya nakakakain ng mga ganito o nakakainom ng mga ganito sa kanila dahil talagang hirap na hirap ang buhay nila.

"Ito nga pala ang recipe book ko." Iniabot nito sa kanya ang maliit na parang libro. "Pumili ka lang ri'yan ng lulutuin mong putahe pagwala ka ng maisip na lutuin." Dagdag pa nito.

"Sige po—"

"Ang paglilinis ng kwarto ni Sir ay tuwing sabado, dapat ay wala siya sa kwarto niya pagnaglinis ka?"

Hindi man lang siya nito pinapatapos lagi magsalita na para bang palagi itong nagmamadali.

"Pa'no ko po malalaman kung wala siya sa kwarto?" Tanong niya. Maganda na 'yong sigurado.

"Mga alas-dyis ng gabi. Kaya dapat sa loob ng isang isang oras ay tapos ka na maglinis ng kwarto niya."

Tumango siya. Nakakatakot ba talaga ang amo nila? Parang kinakabahan na agad siya hindi pa man niya ito nakikita.

"Oo nga pala ito pa. Dapat bago pumatak ng alas-otso ng umaga, alas-dose ng tanghali at alas-otso ng gabi ay nakahain na ang mga pagkain sa mesa. Wag na wag mong hahayaan na maabutan ka niya at makita ka niya, naiintindihan mo ba?"

Ilang beses siyang napalunok bago tumango.

"Paano po pagnaabutan niya ako?" Kabadong tanong niya. Namamawis na tuloy kilikili at singit niya sa kaba.

Sumeryoso pa lalo ang mukha ni Miss Neil. "Katapusan mo na."

Halos maubos niya ang isang basong tubig na hawak niya dahil tila nanuyo ang lalamunan niya sa mga sinabi nito sa kanya. Kailangan lang niya sundin ang lahat ng bilin nito para wala maging problema.

Dahil sa oras na magkamali siya, katapusan na niya at baka mapalayas siya ng wala sa oras.

Hinawakan siya ni Miss Neil sa balikat at seryoso ang mga mata na tumitig sa kanya. "Hindi nagpapalayas si Sir Damon ng tauhan, sila ang kusang lumalayas. Kaya kung makakatagal ka ay maganda dahil baka taasan pa niya lalo ang sahod mo."

Natuwa naman siya ng marinig na baka taasan nito ang sahod niya pagnagtagal siya, kaso lang pakiramdam niya ay may paninindak ang boses ni Miss Neil sa kanya kaya napalunok na naman siya.

"Kaya mo 'yan, Amelia. Sana magtagal ka na. Naha-hagard narin kasi ako kakahanap ng kasambahay sa mansion na 'to. Nasisira na ang beauty ko." Bigla ay parang problemado na ito ngayon. Kumibot-kibot pa ang makapal nitong labi. "Hindi pwede na palagi nalang ganito. Baka hiwalayan na ako ng jowa ko pagpumanget na ako dahil sa konsumisyon rito."

Mahina siyang natawa. "Joker ka po pala." Nawala ang ngiti niya ng sinamaan siya nito ng tingin.

"Mukha ba akong nagbibiro?" Nakataas ang kilay na tanong nito.

Hindi siya umimik at nag-iwas nalang ng tingin dahil nagbubukas-sara ang ilong nito ngayon habang nakatingin sa kanya.

"Basta sundin mo lahat ng bilin ko para mabuhay ka pa ng matagal sa mansion na 'to—"

"Po?!" Mabuhay? Bakit, may posibilidad ba na mamatay siya? Sa takot ay napahawak siya sa damit nito.

"Jusme kang bata ka. Binibiro lang kita!" Tumatawang sabi nito habang nagbubukas-sara ang butas ng ilong at nag aalugan ang makapal na labi.

Hindi tuloy niya sure kung tawa ba 'yon o magta-transform na 'to para maging isang nakakatakot na nilalang.

"Basta sundin mo lang lahat ng bilin ko para walang problema at magtagal ka. Sayang ang malaking sahod na makukuha mo at ang bonus na matatanggap mo kada-taon." Paalala nito sa kanya. Tumingin ito sa suot na relo. "Bukas ka na magsimulang maglinis, sa ngayon ay ang panggabihan na pagkain lang ang kailangan mong asikasuhin para kay Sir Damon."

Huling bilin nito bago tuluyan umalis.

Sana lang talaga ay matagalan at makaya niya ang lahat ng bilin nito.

KANINA pa nakaalis si Miss Neil. Dahil unang araw niya ngayon ay sinabihan siya nito na bukas na siya magsimula, tanging pagkain lang mamayang gabihan ng amo niya ang gagawin niya.

Masaya siyang nagpagulong-gulong sa kama niya na malambot. Hindi niya akalain na magiging kumportable ng sobra ang kwarto niya, hindi katulad sa bahay nila na manipis na banig lang ang sapin sa malamig na semento.

Umupo siya sa gilid ng kama. Hindi niya mapigilan ang malungkot ng maalala ang nanay at mga kapatid niya. Bago siya umalis ay nangutang lang siya ng isang kaban na bigas kay Aling Nena, ang mabait at may malaking tindahan sa lugar nila. Tiwala din kasi ito sa kanya na magbabayad siya. Sa edad niyang disi-otso ay marami na siyang napasok na trabaho tulad ng pagiging tindera, mag alaga ng mga aso, magbantay ng bata, maging taga-plantsa tuwing sabado at maglako ng kung ano-ano para dagdag income. Hindi na kasi kaya ng nanay niya na tumanggap ng maraming labada sa isang linggo kaya kapos na kapos sila. Hindi narin naaasahan ang tatay niya. Lima silang magkakapatid at siya ang panganay. Matagal na siyang huminto ng pag-aaral dahil hindi talaga kaya na hindi siya tumulong sa nanay niya. Bukod sa mahina ang katawan ng nanay niya ay hikain din ito at sakitin din ang dalawa niyang kapatid, kaya hindi man niya gusto na huminto ng pag-aaral ay wala siyang pagpipilian.

Nakaramdam siya ng konsensya. Siya ay masarap ang kinakain dito, samantalang ang pamilya niya ay magtitiis sa dalawang garapon na alamang na niluto niya bago siya umalis.

Hindi kasi pwede bumale ng pera hanggang hindi siya umaabot ng labinlimang araw. Kaya hindi pa siya makakapagpadala ng pera sa mga ito.

Di bale babawi nalang siya sa oras na magkapera siya. Bibili talaga siya ng karne ng baboy pag uwi niya at magsisigang dahil 'yon ang paborito ng nanay niya, pero dahil wala silang pera ay puro gulay at alamang lang ang pinagtitiisan nila. Bibilhan din niya ng mga tsokolate ang mga kapatid niya na tiyak na ikatutuwa ng mga 'to.

Para magawa niya lahat ng gusto at plano niya, ang kailangan lang niyang gawin ay magsipag at magtiis, dahil balang araw ay para din sa kanila 'yon, at sa mga kapatid na nag-aaral.

Nilabas niya ang lukot na papel na nasa bulsa ng pantalon niya at saka 'yon itinabi. Dito nakasulat ang kontak number ni Aling Nena, dito kasi niya ipapadala ang pera at ito na ang bahala na mag abot sa nanay niya. Wala kasi silang cellphone kaya kay Aling Nena niya ipapadala ang pera sa oras na makabale na siya.

Lumabas siya ng kwarto at nagtungo sa kusina. Muntik na siyang mapatalon sa gulat ng may makasalubong siyang lalaki na sa tingin niya ay nasa benta mahigit ang edad. Matangkad ito, may kapayatan at may hitsura.

Kinabahan siya.

Hindi kaya ito ang amo niya? Dahil nakita siya nito ay katapusan na niya?